இலங்கை கிரிக்கெட் அணி வீரர்களை வாழ்த்தி வழி அனுப்பிய ஜனாதிபதி

இலங்கை கிரிக்கெட் அணியினர் நேற்று பிற்பகல் ஜனாதிபதி அலுவலகத்தில் ஜனாதிபதி ரணில் விக்கிரமசிங்கவை சந்தித்தனர்.

அமெரிக்கா மற்றும் மேற்கிந்தியத் தீவுகளில் ஜூன் 01 ஆம் திகதி முதல் ஜுன் 29 ஆம் திகதி வரை நடைபெறவுள்ள இருபதுக்கு 20 உலகக் கிண்ண கிரிக்கெட் போட்டியில் பங்குபற்றுவதற்காக நாட்டிலிருந்து புறப்பட்டுச் செல்வதற்கு முன்னர் இவ்வாறு ஜனாதிபதியை சந்தித்துள்ளனர்.

வனிது ஹசரங்க தலைமையிலான 15 வீரர்கள் அடங்கிய இலங்கை கிரிக்கெட் அணி இன்று காலை நாட்டிலிருந்து புறப்படவுள்ளது.

வீரர்களை ஊக்குவித்த ஜனாதிபதி, அவர்களுடன் சிநேகபூர்வமாக கலந்துரையாடினார். நாட்டிற்கு சிறந்த வெற்றியுடன் வருங்கள் எனவும் அவர்களை வாழ்த்தினார்.