1994ல் சந்திரிக்கா குமாரதுங்கவிற்கு $5 மில்லியன் லஞ்சம் வழங்கிய நபர்

தான் பிரதமராக இருந்த காலத்தில் ஒருமுறை தனக்கு 5 மில்லியன் அமெரிக்க டொலர்களை இலஞ்சமாக வழங்க முன்வந்ததாகவும், தான் அதனை உடனடியாக நிராகரித்ததாகவும் முன்னாள் ஜனாதிபதி சந்திரிக்கா பண்டாரநாயக்க குமாரதுங்க தெரிவித்துள்ளார்.

கொழும்பில் நடைபெற்ற பட்டயக் கணக்காளர்களின் 45ஆவது தேசிய மாநாட்டில் கலந்துகொண்டு உரையாற்றிய முன்னாள் ஜனாதிபதி இலங்கையில் நிலவும் ஊழல்கள் குறித்துப் பேசினார்.

“அது எனக்கு நடந்திருக்கிறது.அப்போது நான் பிரதமராக இருந்தேன். ஐந்து மில்லியன் டொலர்கள் நாடாளுமன்றத்தில் எனது மேசைக்கு எனது அரசில் இருந்த இளைய அமைச்சரின் கணவரால் கொண்டு வரப்பட்டது. நான் சொன்னேன், அதை எடுத்துக்கொண்டு இப்போது வெளியேறு. நான் உன்னைக் கைது செய்து விடுவேன் என்று சொன்னேன், ” என்று பண்டாரநாயக்க நினைவு கூர்ந்தார், இந்த நபருடன் சிங்கப்பூர் தொழிலதிபர் ஒருவரும் இருந்ததாக அவர் குறிப்பிட்டார்.

ஊழலுக்குப் பழக்கப்பட்ட பெரியவர்களின் மனதை மாற்றுவது சாத்தியமில்லை எனத் தெரிவித்த முன்னாள் ஜனாதிபதி, சிறு வயதிலிருந்தே விழுமியங்களை வடிவமைக்க வேண்டியதன் அவசியத்தை வலியுறுத்தினார்.

“எங்களிடம் ஒரு ஜனாதிபதி இருந்தார், அவர் உங்களால் முடிந்தவரை திருடுங்கள், ஆனால் பிடிபடாதீர்கள். இவ்வாறு அவர் தனது அமைச்சரவையில் தெரிவித்தார். இதை அவர் தனது நாடாளுமன்ற உறுப்பினர்கள் மற்றும் உள்ளூராட்சி பிரதிநிதிகளிடம் கூறி வந்தார்.

“எல்லோரும் திருடினார்கள், யாரும் கைது செய்யப்படவில்லை. இந்த அமைப்புதான் எமது நாட்டை சீரழித்துள்ளது” என பண்டாரநாயக்க மேலும் தெரிவித்தார்.

தொழிலதிபர்கள் திட்டங்களைப் பாதுகாக்க இலஞ்சம் கொடுக்கலாம் இந்த பரவலான ஊழல் இறுதியில் தேசிய திவால் நிலைக்கு நாட்டை இட்டுச் செல்லும் என்று அவர் எச்சரித்தார்.

“நீங்கள் உணராதது என்னவென்றால், சரி, நீங்கள் அந்த திட்டத்தை ஒருமுறை அல்லது இரண்டு முறை பெறலாம். ஆனால் அது முழு நாட்டின் நடைமுறையாக மாறும்போது, ​​நாடு திவாலாகிவிடும் என அவர் மேலும் தெரிவித்தார்.

இந்த நிகழ்வில் முன்னாள் ஜனாதிபதி ரணில் விக்ரமசிங்கவும் கலந்து கொண்டார்.

தொடர்புடைய செய்திகள்:

இலங்கைக்கு இந்தியா வழங்கிய மகிழ்ச்சியான செய்தி – 61.5 மில்லியன் அமெரிக்க டொலர் நிதியுதவி இந்தியாவின் பாதுகாப்பு நலன்களுக்கு பாதகமாக இலங்கை ஒருபோதும் செயற்படாது -அனுர உறுதி! இலங்கை: அரசியலில் இருந்து விலக தீர்மானித்துள்ள முன்னாள் நாடாளுமன்ற உறுப்பினர்கள் மற்றும் அமைச்சர்கள் ஹங்வெல்ல வர்த்தகர் கொலை – ராணுவ சிறப்புப் படை வீரர் கைது லெபனானில் உள்ள இலங்கையர்களுக்கு விடுக்கப்பட்டுள்ள விசேட அறிவித்தல் கட்டுநாயக்க விமான நிலையத்தில் ஆள்மாறாட்டத்தில் ஈடுபட்ட ஈரானிய பிரஜை கைது