போக்குவரத்து வசதியின்றி தவிக்கும் குச்சவெளி பிரதேச மக்கள்
திருகோணமலை குச்சவெளி பிரதேச செயலாளர் பிரிவுக்குட்பட்ட கள்ளம்பத்தை பகுதியில் உள்ள மக்கள் போக்குவரத்து வசதி இல்லாமல் மிகவும் சிரமப்பட்டு வருவதாக சுட்டிக்காட்டுகின்றனர்.
தமது கிராமத்திலிருந்து நோயாளர்களை முச்சக்கரவண்டியில் ஏற்றிச் செல்வதற்கு 1500 ரூபாய் பணம் கொடுத்தும் சாரதிகள் உரிய நேரத்துக்கு வராத நிலை ஏற்பட்டுள்ளதாகவும் தெரிவிக்கின்றனர்.
இக்கிரமத்தில் அதிகளவிலான வயோதிபர்கள் வாழ்ந்து வருவதாகவும் அவர்கள் மாதத்திற்கு இரண்டு முறை கிளினிக் செல்ல வேண்டியுள்ளதாகவும் செல்வதற்கு போக்குவரத்து இல்லாமையினால் அவதிப்பட்டு வருவதாகவும் அக்கிராம மக்கள் குறிப்பிடுகின்றனர்.
அரசாங்கத்தினால் அரச பஸ் சேவையினை ஆரம்பிக்குமாரு பல தடவைகள் கோரிக்கை விடுத்தும் தேர்தல் காலங்களில் மாத்திரம் பாஸ் தமது கிராமத்துக்குள் வந்து செல்வதாகவும் தெரிவித்தனர்.
ஆகவே கள்ளம்பத்தை மக்களின் நலன் கருதி அரச பஸ் சேவையினை ஆரம்பிக்க நடவடிக்கை எடுக்க வேண்டும் எனவும் அக்கிராம மக்கள் கோரிக்கை விடுக்கின்றனர்
(Visited 8 times, 1 visits today)
