தென்கொரிய அதிபருக்கு எதிராக கொண்டுவரப்பட்ட பிரேரணை வெற்றி!
தென்கொரிய அதிபர் யுன் சுக் யோலுக்கு எதிராக அந்நாட்டு எதிர்க்கட்சிகள் கொண்டு வந்த பிரேரணையில் அவர் பதவிநீக்கம் செய்யப்பட்டுள்ளார்.
இது தொடர்பான வாக்கெடுப்பு இன்று (14.12) காலை அந்நாட்டில் இடம்பெற்றதாக வெளிநாட்டு ஊடகங்கள் செய்தி வெளியிட்டுள்ளன.
டிசம்பர் 3 ஆம் திகதி இரவு ஜனாதிபதியால் திடீரென இராணுவச் சட்டத்தை திணித்ததன் அடிப்படையில் தென் கொரிய எதிர்க்கட்சி அந்நாட்டின் ஜனாதிபதி யுன் சுக் யோலுக்கு எதிராக ஒரு குற்றச்சாட்டைக் கொண்டு வந்தது.
எவ்வாறாயினும், கொண்டுவரப்பட்ட முதலாவது குற்றச்சாட்டில், ஜனாதிபதியை பிரதிநிதித்துவப்படுத்தும் ஆளும் மக்கள் சக்தி கட்சி வாக்கெடுப்பை புறக்கணித்ததால், அந்த நாட்டின் பாராளுமன்றத்தால் பதவி நீக்கம் தோற்கடிக்கப்பட்டது.
இதன்படி, ஜனாதிபதிக்கு எதிராக இரண்டாவது தடவையாக பதவி நீக்கம் செய்வதற்கான நடவடிக்கைகளை எதிர்க்கட்சிகள் நேற்று (13) மேற்கொண்டுள்ளன.
அங்கு தென்கொரிய பாராளுமன்றத்தை பிரதிநிதித்துவப்படுத்தும் அனைத்து உறுப்பினர்களும் தமது வாக்குகளை பயன்படுத்தியதோடு 204 உறுப்பினர்கள் பதவி நீக்கத்திற்கு ஆதரவாக வாக்களித்திருந்தனர். பதவி நீக்கத்திற்கு எதிராக 85 வாக்குகள் மட்டுமே கிடைத்துள்ளன.
அதன்படி, தென்கொரிய அதிபர் யுன் சுக் யோலுக்கு எதிரான பதவி நீக்கம் இன்று அந்நாட்டு நாடாளுமன்றத்தில் நிறைவேற்றப்பட்டது.
இதன்படி, ஜனாதிபதி பதவியில் இருந்து நீக்கப்பட்டு, அந்நாட்டின் பிரதமரே தற்காலிக ஜனாதிபதியாக செயற்படுவார்.
(Visited 48 times, 1 visits today)
