15 ஆண்டுகளுக்குப் பிறகு தாய்லாந்து திரும்பிய முன்னாள் தலைவர் சிறையில் அடைக்கப்பட்டார்

தாய்லாந்து முன்னாள் தலைவர் தக்சின் ஷினவத்ரா, நாடு கடத்தப்பட்ட பின்னர் 15 ஆண்டுகளுக்கு பின் நேற்று நாடு திரும்பிய நிலையில் சிறையில் அடைக்கப்பட்டார்.

அவர் பிரதமராக தேர்ந்தெடுக்கப்படுவதற்கு சில மணி நேரங்களுக்கு முன்பு அவரது கட்சியின் வேட்பாளர் உடனடியாக சிறையில் அடைக்கப்பட்டார்.

74 வயதான பில்லியனர் பழைய ஊழல் குற்றச்சாட்டில் 8 ஆண்டுகள் சிறைத்தண்டனை அனுபவிக்க உச்சநீதிமன்றம் உத்தரவிட்டது. ஆனால் அவர் எவ்வளவு காலம் சிறையில் இருப்பார் என்பது தெரியவில்லை.

2001 இல் தாய்லாந்தின் பிரதமராகப் பதவியேற்று, 2006 இல் இராணுவப் புரட்சியில் பதவி நீக்கம் செய்யப்பட்ட ஷினவத்ரா, 15 ஆண்டுகளுக்குப் பிறகு நாடு திரும்பினார்.

டான் முயாங் விமான நிலையத்திற்கு வந்த தக்சின் ஷினவத்ராவை வரவேற்க ஆயிரக்கணக்கான ஆதரவாளர்கள் சிவப்பு நிற உடை அணிந்திருந்தனர்.

கட்சியின் முக்கிய தலைவர்கள், பாராளுமன்ற உறுப்பினர்கள் மற்றும் உள்நாட்டு மற்றும் வெளிநாட்டு ஊடகவியலாளர்கள் கலந்து கொண்டனர்.

புதிய பிரதமரைத் தேர்ந்தெடுப்பதற்காக பாராளுமன்றம் வாக்கெடுப்பு நடத்துவதற்கு சில மணி நேரங்களுக்கு முன்பு ஷினவத்ரா நாடு திரும்பியுள்ளார்.

எனவே புதிய அரசாங்கம் அமைக்கப்படலாம் என்ற நம்பிக்கை ஃபுடாய் கட்சிக்கு உள்ளது.

சிங்கப்பூரை விட்டு வெளியேறும் முன், தாய்லாந்து மக்களுடன் நிற்க வேண்டிய நேரம் இது என்று தக்சின் ஷினவத்ரா கூறினார்.

இதற்கிடையில் விமான நிலையத்தில் இருந்து ஷினவத்ராவை உச்ச நீதிமன்றத்துக்கு நேரடியாக அழைத்து வர அதிகாரிகள் திட்டமிட்டிருந்தனர்.

ஷினவத்ரா 2008 இல் தனது மனைவி குனிங் போட்ஜமன் பொம்பேஜ்ரா பிரதமராக இருந்தபோது ரசாடாஃபிசெக்கில் விலைகுறைந்த நிலத்தை வாங்க உதவியதற்காக உச்ச நீதிமன்றம் அவருக்கு தண்டனை விதிப்பதற்கு சற்று முன்பு தாய்லாந்து சென்றார்.

ஊழல், வரி ஏய்ப்பு உள்ளிட்ட குற்ற வழக்குகளில் இருந்து தப்பிக்கவே அவர் இவ்வாறு செய்திருந்தார்.

தாய்லாந்து அரசியலில் 20 ஆண்டுகள் இல்லாத போதிலும், தக்சின் ஷினவத்ரா தொடர்ந்து ஆதிக்கம் செலுத்தி வருகிறார்.

நாடு திரும்பிய ஷினவத்ரா ஊழல் மற்றும் லஞ்சம் வாங்கியதற்காக 12 ஆண்டுகள் சிறைத்தண்டனையை எதிர்கொள்கிறார்.

எவ்வாறாயினும், அவருக்கு 74 வயது ஆவதால், அவர் சிறையில் இருக்க வேண்டிய அவசியமில்லை என அரசியல் நோக்கர்கள் தெரிவிக்கின்றனர்.

தாய்லாந்தில், 70 வயதுக்கு மேற்பட்ட குற்றவாளிகள் பரோல் அல்லது மன்னிப்புக்கு விண்ணப்பிக்க தகுதியுடையவர்கள்.