மலேசிய மன்னரை கட்டி பிடிக்க முயன்ற 41 வயது பெண்ணுக்கு நேர்ந்த கதி

மலேசியாவின் ஈப்போவில் சுதந்திர தின கொண்டாட்டத்தின் போது பேராக் சுல்தான் நஸ்ரின் ஷாவை கட்டிப்பிடிக்க முயன்றதாக 41 வயதுடைய நூர்ஹஸ்வானி அஃப்னி முகமது சோர்கி மீது தாக்குதல் குற்றச்சாட்டு சுமத்தப்பட்டுள்ளது.

அவர் மீது மலேசிய தண்டனைச் சட்டத்தின் பிரிவு 352 இன் கீழ் முறையாக குற்றம் சாட்டப்பட்டது.

அவர் ஸ்கிசோஃப்ரினியாவால் பாதிக்கப்பட்டிருக்கலாம் என்பதற்கான அறிகுறிகள் காரணமாக விசாரணைக்கு ஆளாகத் தகுதியானவரா என்பதைத் தீர்மானிக்க பஹாகியா உலு கிண்டா மருத்துவமனையில் ஒரு மாத கண்காணிப்புக்கு உட்படுத்த உத்தரவிடப்பட்டார்.

பேராக் போலீஸ் கமிஷனர் நூர் ஹிசாம் நோர்டின், அவர் சம்பவ இடத்திலேயே கைது செய்யப்பட்டு பின்னர் காவல் நிலையத்திற்கு அழைத்துச் செல்லப்பட்டதை உறுதிப்படுத்தினார்.

மேலும், விசாரணையில் சோர்கி போதைப்பொருள் தொடர்பான குற்றங்களில் ஈடுபட்டதாகவும், மனநல சிகிச்சையில் இருந்ததாகவும் தெரியவந்துள்ளது.

குற்றம் நிரூபிக்கப்பட்டால், அவருக்கு மூன்று மாதங்கள் வரை சிறைத்தண்டனை, RM1,000 வரை அபராதம் அல்லது இரண்டும் விதிக்கப்படலாம்.