தனது பழைய நண்பரை சந்தித்த சீன ஜனாதிபதி : மேற்குலக நாடுகளுக்கு கூறும் செய்தி!

சீன ஜனாதிபதி ஷி ஜின்பிங்கை ரஷ்ய அதிபர் விளாடிமிர் புட்டின் இரண்டாவது முறையாக சந்தித்துள்ளார்.

“கொந்தளிப்பான சர்வதேச சூழ்நிலை மற்றும் வெளிப்புற சூழலை எதிர்கொண்டு, இரு தரப்பினரும் வரும் தலைமுறைகளுக்கு நட்பின் அசல் அபிலாஷையை தொடர்ந்து நிலைநிறுத்த வேண்டும் என சீன ஜனாதிபதி இதன்போது வலியுறுத்திக் கேட்டுக் கொண்டார்.

இந்நிலையில் விளாடிமிர் புட்டின் புடின் இந்த உறவை “வரலாற்றில் சிறந்த காலம்” என்று கூறி பாராட்டினார்.

மேற்குலக நாடுகள் ரஷ்யாவிற்கு எதிராக பல்வேறு பொருளாதார தடைகளை விதித்து தனிமைப்படுத்தும் முயற்சியில் ஈடுபட்டு வருகின்றனர்.

இதற்கிடையில் உக்ரைனில் இருந்து குழந்தைகள் கடத்தப்பட்டதற்கு அவர் தனிப்பட்ட பொறுப்பு என்று குற்றம் சாட்டி, போர்க்குற்றங்களுக்கான சர்வதேச குற்றவியல் நீதிமன்றத்தால் அவருக்கு கைது வாரண்ட் பிறப்பிக்கப்பட்டுள்ளது.

இந்நிலையில் புட்டின் தனியாக இல்லை என்பதை சர்வதேச நாடுகளுக்கு தெரிவிக்கும் முகமாக இந்த சந்திப்பு இடம்பெற்றுள்ளமை குறிப்பிடத்தக்கது.