“தரம் 6” கல்வி மறுசீரமைப்பு ஒத்திவைப்பு! பின்னணி என்ன?
தரம் 6 இற்குரிய கல்வி மறுசீரமைப்பு நடவடிக்கையை ஒத்திவைப்பதற்கு அமைச்சரவை தீர்மானித்துள்ளது.
உரிய மீளாய்வுகளின் பின்னர் 2027 ஆம் ஆண்டு முதல் இதற்குரிய நடவடிக்கையை முன்னெடுப்பதற்கும் முடிவெடுக்கப்பட்டுள்ளது.
அமைச்சரவை முடிவுகளை அறிவிக்கும் ஊடகவியலாளர் மாநாடு அரசாங்க தகவல் திணைக்களத்தில் இன்று (13) நடைபெற்றது.
இதன்போதே அமைச்சரவைப் பேச்சாளரும், அமைச்சருமான நளிந்த ஜயதிஸ்ஸ மேற்படி தகவலை வெளியிட்டார்.
எனினும், தரம் 1 இற்குரிய கல்வி மறுசீரமைப்பு நடவடிக்கை திட்டமிட்ட அடிப்படையில் நடைபெறும் எனவும் அமைச்சர் கூறினார்.
“ தரம் 6 இற்குரிய கல்வி மறுசீரமைப்பில் ஆங்கில பாட திட்டம் தொடர்பில் சமூகத்தில் சர்ச்சை எழுந்துள்ளது. சிலர் இதனை அரசியலாக்கியுள்ளனர்.
எனவே, கல்வி போன்ற விடயங்களில் நம்பிக்கையீனத்துடன் பயணிக்க முடியாது.
விசாரணைக்குழுக்கள் அமைக்கப்பட்டன.
ஆலொசனைகள் பெறப்பட்டன. அந்தவகையில் தரம் 6 இற்குரிய கல்வி மறுசீரமைப்பு தற்காலிகமாக பிற்போடப்படுகின்றது.” – எனவும் அமைச்சர் குறிப்பிட்டார்.
அதேவேளை கல்வி மறுசீரமைப்பை கைவிடுமாறு வலியுறுத்தி முன்னாள் அமைச்சர் விமல் வீரவன்ச சத்தியாகிரகப் போராட்டத்தில் ஈடுபட்டுள்ளார் என்பது குறிப்பிடத்தக்கது.
