காதலியின் வீட்டுக்குச் சென்ற வாலிபரை காணவில்லை – குடும்பத்துடன் யுவதி தலைமறைவு?
குளியாப்பிட்டிய பிரதேசத்தில் தனது காதலி என கூறிக்கொள்ளும் யுவதியின் வீடொன்றுக்கு சென்ற முப்பது வயதுடைய ஆண் ஒருவர் ஏழு நாட்களாக காணாமல் போயுள்ளதாக குளியாப்பிட்டிய தலைமையக பொலிஸார் தெரிவித்துள்ளனர்.
ஆண் காணாமல் போன நாளிலிருந்து அவனது காதலி எனக் கூறிக்கொண்ட யுவதி தனது தந்தை, தாய் மற்றும் சகோதரர்கள் இருவர் வசித்த வீட்டை பூட்டிவிட்டு பிரதேசத்திலிருந்து தப்பிச் சென்றுள்ளதாக அப்பகுதியின் உயர் பொலிஸ் அதிகாரி ஒருவர் தெரிவித்தார்.
மேலும், யுவதியின் உறவினர் ஒருவரும் அந்த பகுதியை விட்டு தப்பிச் சென்றுள்ளதாக கூறப்படுகிறது.
குளியாபிட்டிய அபாவ டீகல்லவைச் சேர்ந்த சுசித் ஜெயவம்ச என்பவர் காணாமல் போயுள்ளதாக பொலிஸார் தெரிவித்துள்ளனர்.
அப்பகுதியில் சைனீஸ் உணவகம் நடத்தி வரும் அவர், தனது மனைவியிடமிருந்து விவாகரத்து பெற்றவர் என பொலிசார் தெரிவித்தனர்.
