லொரியின் கதவு இடித்து பலியான சிறுவன்

தனது இளைய சகோதரனுடன் சைக்கிளில் பயணித்த 13 வயதுடைய பாடசாலை மாணவர் ஒருவர் எதிர்பாராதவிதமாக விபத்தில் உயிரிழந்துள்ளார்.

சாலையில் ஓடிக்கொண்டிருந்த லொறியின் முன்பக்க கதவு கழன்று குழந்தையின் மார்புப் பகுதியில் மோதியதில் இந்த விபத்து ஏற்பட்டுள்ளது.

விபத்தில் உயிரிழந்தவர் வாத்துவ ஹபரலகஹலந்த பகுதியைச் சேர்ந்த 13 வயதுடைய ககன காவிந்த என்ற பாடசாலை மாணவரே.

வாத்துவ பகுதியில் இருந்து ஹபரலகஹலந்த நோக்கி பயணித்த ரொட்டி லொறியின் முன்பக்க கதவு திடீரென வீழ்ந்து துவிச்சக்கரவண்டியில் பயணித்த இந்த குழந்தையின் உடலில் மோதியுள்ளது.

விபத்தின் பின்னர் வைத்தியசாலையில் தீவிர சிகிச்சைப் பிரிவில் சிகிச்சை பெற்று வந்த குழந்தை இன்று (25) பிற்பகல் உயிரிழந்துள்ளதாக எமது செய்தியாளர் தெரிவித்தார்.

லொறியின் சாரதி வாத்துவ பொலிஸாரால் கைது செய்யப்பட்டு இன்று பாணந்துறை நீதவான் நீதிமன்றில் முன்னிலைப்படுத்தப்பட்டதன் பின்னர் எதிர்வரும் 29 ஆம் திகதி வரை விளக்கமறியலில் வைக்கப்பட்டுள்ளார்.

சம்பவம் தொடர்பான மேலதிக விசாரணைகளை வடுவ பொலிஸார் மேற்கொண்டு வருகின்றனர்.