மோடியின் வருகையை முன்னிட்டு சிறப்பு முத்திரையை வெளியிட்ட தாய்லாந்து

பிரதமர் நரேந்திர மோடியின் தாய்லாந்து வருகையை நினைவுகூரும் வகையில், 18ம் நூற்றாண்டின் ராமாயண சுவரோவியங்களை அடிப்படையாகக் கொண்ட சிறப்பு அஞ்சல் முத்திரையை தாய்லாந்து வெளியிட்டுள்ளது.

ஏப்ரல் 2 முதல் 4 வரை நடைபெறும் பிம்ஸ்டெக் உச்சிமாநாட்டிற்காக பிரதமர் மோடி தாய்லாந்தில் உள்ளார்.

வால்மீகி ராமாயணத்தால் ஈர்க்கப்பட்ட தாய்லாந்தின் தேசிய காவியமான 18 ஆம் நூற்றாண்டின் ‘ராமகியன்’ இன் காட்சிகளை இந்த முத்திரை காட்டுகிறது.

நினைவு அஞ்சல் தலையை அறிமுகப்படுத்தியதற்காக தாய்லாந்து அரசாங்கத்திற்கு நன்றி தெரிவிக்கும் பிரதமர் மோடி, இந்தியாவும் தாய்லாந்தும் “நமது ஆழமான கலாச்சார மற்றும் ஆன்மீக உறவுகள் மூலம் பல நூற்றாண்டுகள் பழமையான உறவுகளை” எவ்வாறு கொண்டுள்ளன என்பதை எடுத்துரைத்தார்.

“இந்தியா மற்றும் தாய்லாந்தின் நூற்றாண்டுகள் பழமையான உறவுகள் நமது ஆழமான கலாச்சார மற்றும் ஆன்மீக உறவுகள் மூலம் இணைக்கப்பட்டுள்ளன. புத்த மதத்தின் பரவல் நமது மக்களை இணைத்துள்ளது. அயுதயா முதல் நாளந்தா வரை, அறிவுஜீவிகளின் பரிமாற்றம் நடந்துள்ளது. ராமாயணக் கதைகள் தாய் மக்களின் வாழ்க்கையின் ஒரு பகுதியாகும்,” என்று பிரதமர் மோடி குறிபிட்டார்.