இலங்கையில் வெவ்வேறு சாலை விபத்துகளில் இளம்பெண் பலி மற்றும் நான்கு குழந்தைகள் படுகாயம்!

இன்று காலை 06.00 மணியுடன் முடிவடைந்த கடந்த 24 மணித்தியாலங்களில் இடம்பெற்ற இருவேறு விபத்துக்களில் 19 வயதுடைய சிறுவன் உயிரிழந்துள்ளதுடன் நான்கு சிறுவர்கள் காயமடைந்துள்ளதாக தெரிவிக்கப்பட்டுள்ளது.

வடமேல் மாகாணம் கும்பகெட்ட பிரதேசத்தில் நேற்று இடம்பெற்ற விபத்தில் 19 வயதுடைய சிறுவன் உயிரிழந்துள்ளதாக தெரிவிக்கப்படுகின்றது.

கும்பக்வெவ பகுதியில் இரண்டு மோட்டார் சைக்கிள்கள் நேருக்கு நேர் மோதி விபத்துக்குள்ளானதில் மோட்டார் சைக்கிளில் பயணித்த இருவர் மற்றும் இரண்டு சிறுவர்கள் காயமடைந்துள்ளதாக பொலிஸார் தெரிவித்தனர்.

ஹிரிபிட்டிய வைத்தியசாலையில் சிகிச்சை பெற்று வந்த நிலையில் மோட்டார் சைக்கிளில் பயணித்த ஒருவர் உயிரிழந்துள்ளார். உயிரிழந்தவர் கும்பகெட்டே பகுதியைச் சேர்ந்தவர் என அடையாளம் காணப்பட்டுள்ளார்.

மேலும், ருவன்வெல்ல பிரதேசத்தில் நேற்று இடம்பெற்ற விபத்தில் 10 மற்றும் 04 வயதுடைய இரண்டு சிறுவர்கள் காயமடைந்துள்ளதுடன் அவர்களின் 37 வயதுடைய தாயும் உயிரிழந்துள்ளார்.

இரண்டு மோட்டார் சைக்கிள்கள் நேருக்கு நேர் மோதியதில் பெண் மற்றும் அவரது இரண்டு குழந்தைகள் காயங்களுக்கு உள்ளாகியுள்ளதாக பொலிஸார் தெரிவித்தனர்.

மோட்டார் சைக்கிளில் பயணித்த பெண் படுகாயமடைந்த நிலையில் உயிரிழந்துள்ளதுடன், அவரது 10 வயது குழந்தை கரவனெல்ல வைத்தியசாலையில் சிகிச்சை பெற்று வருவதுடன், 04 வயது குழந்தை சிறு காயங்களுக்கு உள்ளாகியுள்ளது.

தொடர்புடைய செய்திகள்:

ரத்தோட்ட பிரதேசத்தில் மின்சாரம் தாக்கி மாணவன் பலி! சோமாலியா கடற்கொள்ளையர் அச்சுறுத்தல்: இலங்கை மீனவர்களுக்கு எச்சரிக்கை இலங்கையின் இன்றைய நாணய மாற்று வீதம்! பெரும் தொகை தங்கம் கொள்ளை – இவர்களை பற்றி ஏதேனும் தகவல் தெரியுமா? இலங்கையில் ஓய்வூதியம் பெறும் அனைத்து அரச ஊழியர்களுக்கும் மகிழ்ச்சியான தகவல் இலங்கையில் பொதுத் தேர்தலை நடத்துவதற்கு தயார்