டி20 தொடர் – முதல் போட்டியில் இலங்கை அணி தோல்வி

இலங்கைக்கு சுற்றுப்பயணம் மேற்கொண்டுள்ள பிரபல இங்கிலாந்து அணி ஒருநாள் மற்றும் டி20 போட்டிகள் கொண்ட தொடரில் விளையாடி வருகிறது.

அந்தவகையில், பல்லேகல(Pallekele) மைதானத்தில் முதலாவது டி20 போட்டி நடைபெற்றது.

மழை காரணமாக போட்டி ஆரம்பிப்பதில் தாமதம் ஏற்பட்டு நடுவார்களால் 17 ஓவர்களுக்கு போட்டி நிர்ணயிக்கப்பட்டது.

அதன்படி, நாணய சுழற்சியை வென்ற இங்கிலாந்து அணி முதலில் பந்து வீச்சை தெரிவு செய்தது.

முதலில் களமிறங்கிய இலங்கை அணி நிர்ணயிக்கப்பட்ட 17 ஓவர்களுக்கு சகல விக்கெட்களையும் இழந்து 133 ஓட்டங்களை பெற்றது.

இலங்கை அணி சார்பில், குசல் மெண்டிஸ்(Kusal Mendis) 37 ஓட்டங்களும் பதும் நிசங்க(Pathum Nissanka) 23 ஓட்டங்களும் குவித்தனர்.

இந்நிலையில், 134 ஓட்ட இலக்கை நோக்கி களமிறங்கிய இங்கிலாந்து அணி 15 ஓவர்கள் முடிவில் 04 விக்கெட்டுக்களை இழந்து 125 ஓட்டங்களை பெற்றிருந்த நிலையில் மழை மீண்டும் குறுக்கிட்டது.

இதனால், டக்வோர்த் லூயிஸ்(Duckworth-Lewis) முறைப்படி இங்கிலாந்து அணி வெற்றி பெற்றது.

இங்கிலாந்து அணி சார்பில், பில் சால்ட்(Phil Salt) 46 ஓட்டங்களும் டாம் பண்டோன்(Tom Banton) 29 ஓட்டங்களும் பெற்றனர்.

இறுதியில், 3 போட்டிகள் கொண்ட டி20 தொடரில் இங்கிலாந்து அணி 1-0 என்ற கணக்கில் முன்னிலை வகிக்கிறது.