ஆஸ்திரேலிய எதிர்க்கட்சித் தலைவர்  பதவிக்கு ஆபத்து

வெறுப்புப் பேச்சுக்கு எதிரான சட்டங்கள் தொடர்பாக ஆஸ்திரேலிய எதிர்க்கட்சிக் கூட்டணியில் ஏற்பட்டுள்ள பாரிய பிளவு காரணமாக, லிபரல் கட்சித் தலைவர் சூசன் லேயின் (Sussan Ley) தலைமைத்துவம் முடிவுக்கு வரும் நிலையை எட்டியுள்ளது.

கடந்த எட்டு மாதங்களில் இரண்டாவது முறையாகக் கூட்டணிக்குள் மோதல் வெடித்துள்ளதால், அவரது பதவி பறிபோகலாம் என மூத்த உறுப்பினர்கள் கருதுகின்றனர்.

வெறுப்புப் பேச்சுச் சட்டத்திற்கு எதிராக வாக்களித்த மூன்று செனட்டர்களை சூசன் லே பதவி நீக்கம் செய்ததைத் தொடர்ந்து, தேசியக் கட்சித் தலைவர் டேவிட் லிட்டில்பிரவுட் (David Littleproud) உள்ளிட்ட அக் கட்சியின் அனைத்து அமைச்சர்களும் பதவி விலகியுள்ளனர்.

இதனால் லிபரல்-தேசியக் கட்சிக் கூட்டணி முறியும் நிலைக்குத் தள்ளப்பட்டுள்ளது.

சூசன் லேவுக்குப் பதிலாக ஆங்கஸ் டெய்லர் அல்லது ஆண்ட்ரூ ஹேஸ்டி (Angus Taylor and Andrew Hastie) ஆகியோர் புதிய தலைவர்களாகத் தெரிவு செய்யப்பட வாய்ப்புள்ளதாகத் தகவல்கள் தெரிவிக்கின்றன.

இது தொடர்பான தலைமைத்துவ வாக்கெடுப்பு (Leadership Spill) வரும் வெள்ளிக்கிழமைக்குள் கோரப்படலாம் என எதிர்பார்க்கப்படுகிறது.

போண்டி தாக்குதல் இரைக்கான தேசிய துக்க தினத்தில் இவ்வாறான அரசியல் குழப்பங்கள் ஏற்படுவது குறித்து சூசன் லே கவலை தெரிவித்துள்ளார்.

இருப்பினும், அவரது தலைமைத்துவம் “நச்சுத்தன்மை வாய்ந்தது” என விமர்சிக்கும் சக எம்.பி.க்கள், கட்சியை மீள ஒன்றிணைக்கத் தலைமை மாற்றமே ஒரே வழி எனத் தெரிவித்துள்ளனர்.