மலேசியாவில் காவல்நிலையத்திற்குள் புகுந்து மர்ம நபர் தாக்குதல் ; 2 அதிகாரிகள் உட்பட மூவர் பலி!

மலேசியாவில் ஜோகூர் மாநிலத்தின் உலு திராம் காவல் நிலையத்தில் இன்று (மே 17) அதிகாலை மேற்கொள்ளப்பட்ட தாக்குதலில், காவலர்கள் இருவர் உட்பட மூவர் உயிரிழந்ததாகத் தெரிவிக்கப்பட்டுள்ளது.

அடையாளம் தெரியாத 30 வயது மதிக்கத்தக்க நபர் ஒருவர் அதிகாலை 2 மணியளவில் ஆயுதமேந்தி, உலு திராம் காவல் நிலையத்துக்குச் சென்றதாகக் கூறப்பட்டது.

சந்தேகத்துக்குரிய அந்த நபர் காவல் நிலையத்தில் பணியில் ஈடுபட்டிருந்த காவலர் ஒருவரை தாக்கியுள்ளார். அந்தக் காவலர் சம்பவ இடத்திலேயே உயிரிழந்துள்ளார்.

இறந்த காவலரின் துப்பாக்கியை எடுத்து அந்த நபர், சத்தம் கேட்டு ஓடிவந்த மற்றொரு காவலரையும் சுட்டுக் கொன்றதாகத் தகவல்கள் வெளியாகியுள்ளன.

அந்த இடத்திற்கு விரைந்த மூன்றாவது காவலர், இந்த தாக்குதல்தாரியை சுட்டுக் கொன்றதாகத் தெரிவிக்கப்பட்டது.மூவரின் சடலங்களும் பிரேத பரிசோதனைக்காக சுல்தான் இஸ்மாயில் மருத்துவமனைக்குக் கொண்டுசெல்லப்பட்டுள்ளன.

தாக்குதலுக்கான நோக்கம் குறித்து மலேசியக் காவல்துறையினர் விசாரணை நடத்தி வருகிறது. தாக்குதல்தாரி மனநலம் பாதிக்கப்பட்டவரா என்ற கோணத்திலும் விசாரிக்கப்படுவதாகத் தெரிகிறது.

See also  பாகிஸ்தானில் காவல்துறை மற்றும் போராட்டக்காரர்கள் இடையே மோதல்

தொடர்புடைய செய்திகள்:

இந்தோனேசியாவில் இரு ரயில்கள் மோதி விபத்து : மூவர் பலி! செங்கடல் தாக்குதல்கள் இங்கிலாந்து பொருளாதாரத்தை பாதிக்கலாம் : விடுக்கபப்ட்டுள்ள எச்சரிக்கை திருமணம் செய்வதனை தவிர்க்கும் சீன இளைஞர் – யுவதிகள்! குறையும் மக்கள் தொகை ஜப்பானில் 5.3 ரிக்டர் அளவுகோலில் பதிவான பாரிய நிலநடுக்கம்.. பைடனின் திட்டத்தை ஏற்க அரசாங்கத்திற்கு அழைப்பு விடுத்த இஸ்ரேலியர்கள் சியோலுக்கு மீண்டும் 600 பலூன்களை அனுப்பிய வடகொரியா