ஷேக் ஹசீனா கட்சியின் மாணவர் தலைவர் பல்கலைக்கழகத்தில் அடித்துக் கொலை

கடந்த மாதம் முன்னாள் பிரதமர் ஷேக் ஹசீனாவை பதவி நீக்கம் செய்த கிளர்ச்சியின் போது போராட்டக்காரர்கள் மீதான தாக்குதல்களுக்கு பதிலடி கொடுக்கும் வகையில் வங்கதேச மாணவர் தலைவர் ஒருவர் அவரது பல்கலைக்கழக வளாகத்தில் அடித்து கொல்லப்பட்டுளளார்.

ஷமிம் அகமது தலைநகர் டாக்காவில் உள்ள ஜஹாங்கிர்நகர் பல்கலைக்கழகத்தில் சேர்க்கப்பட்டார், மேலும் ஷேக் ஹசீனாவின் அவாமி லீக் கட்சியின் மாணவர் பிரிவின் உயர்மட்ட உறுப்பினராக இருந்தார் என்று போலீஸ் அதிகாரி தெரிவித்தார்.

ஷேக் ஹசீனாவை பதவியில் இருந்து நீக்கக் கோரும் போராட்டங்கள் வேகம் பெற்றபோது, ​​ஜூலை நடுப்பகுதியில் வளாகத்தில் மாணவர் ஆர்ப்பாட்டக்காரர்கள் மீது தாக்குதல் நடத்துவதற்கு தலைமை தாங்கியதற்காக அகமது இனந்தெரியாத ஆசாமிகளால் தாக்கப்பட்டார்.

“நாங்கள் அவரை கோனோஷஸ்தயா மருத்துவமனைக்கு கொண்டு சென்றோம், பின்னர் அவர் இறந்தார்,” என்று அதிகாரி குறிப்பிட்டார்.

பல காயங்களுடன் கொண்டுவரப்பட்ட பின்னர் அகமது இறந்துவிட்டதாக மருத்துவமனையின் ஊழியர்கள் உறுதிப்படுத்தினர்.

இந்த மாதம் கொல்லப்படும் அவாமி லீக்கின் மாணவர் பிரிவின் இரண்டாவது தலைவர் அகமது ஆவார்.