இலங்கையில் கிராமிய வீதிகளை புனரமைக்க நடவடிக்கை!
இலங்கையின் பல்வேறு பகுதிகளில் பழுதடைந்துள்ள கிராமிய வீதிகளை புனரமைக்கும் பணிகள் அடுத்த வாரம் முதல் ஆரம்பிக்கப்படும் என போக்குவரத்து, நெடுஞ்சாலைகள் மற்றும் வெகுஜன ஊடக அமைச்சர் கலாநிதி பந்துல குணவர்தன தெரிவித்தார்.
இதற்காக ஆசிய அபிவிருத்தி வங்கி கிட்டத்தட்ட 20 பில்லியன் ரூபாய் கடனுதவி வழங்க இணங்கியுள்ளதாகவும் அமைச்சர் குறிப்பிட்டார்.
நிலையான நாட்டிற்கு ஒரு வழி என்ற தொனிப்பொருளில் ஜனாதிபதி ஊடக மையத்தில் நடைபெற்ற செய்தியாளர் மாநாட்டில் கலந்து கொண்டு உரையாற்றும் போதே அவர் இதனை தெரிவித்துள்ளார்.
இதன்போது மேலும் கருத்து வெளியிட்டுள்ள அவர், “இந்த நாட்டின் கடன் மறுசீரமைப்பைக் கையாள்வதற்காக சர்வதேச நிபுணத்துவம் கொண்ட பிரான்சின் லாசார்ட் தேர்ந்தெடுக்கப்பட்டார்.
மேலும், சர்வதேச கடன்களை செலுத்தாததால் எழும் சட்ட நடவடிக்கைகளுக்காக Clifford Hance நிறுவனம் தேர்ந்தெடுக்கப்பட்டது என்று சொல்ல வேண்டும். கடன் கொடுத்தவர்களுடன் நீண்ட நேரம் விவாதித்தனர்.
இன்று இலங்கையில் கடன் மறுசீரமைப்பு செயற்பாட்டை மேற்கொள்ள சர்வதேச சமூகம் உத்தியோகபூர்வமாக இணங்கியுள்ளது. இது ஒரு நாடாக எமக்குக் கிடைத்த வெற்றி என்றே கூற வேண்டும்.
அத்துடன், ஆசிய அபிவிருத்தி வங்கியுடன் கிட்டத்தட்ட 20 பில்லியன் ரூபா கடனுதவி ஒப்பந்தம் செய்துள்ளோம். நாடு முழுவதும் உள்ள கிராமப்புறங்களில் உள்ள பழுதடைந்த சாலை அமைப்பை புனரமைப்பதற்காக தொடர்புடைய கடன் தொகை பயன்படுத்தப்பட உள்ளது. அந்த வீதிகளை ஆராயுமாறு வீதி அபிவிருத்தி அதிகாரசபைக்கு பணிப்புரை விடுக்கப்பட்டது. அதன்படி, அடுத்த வாரத்திற்குள் சாலை சீரமைப்பு பணியை துவக்க முடியும்” எனத் தெரிவித்துள்ளார்.
