நட்சத்திர அந்தஸ்தை மீட்டெடுத்த ஸ்ரீலங்கன் ஏர்லைன் நிறுவனம்!
விமானி அறை நெறிமுறைகளை மீறியதற்காக விமானிக்கு எதிராக விமான நிறுவனம் விரைவான நடவடிக்கை எடுத்ததை அடுத்து, ஆஸ்திரேலியாவை தளமாகக் கொண்ட விமானப் பாதுகாப்பு மற்றும் தயாரிப்பு தரமதிப்பீட்டு நிறுவனமான AirlineRatings.com, ஸ்ரீலங்கன் ஏர்லைன்ஸின் 7 நட்சத்திர அந்தஸ்தை மீட்டெடுத்துள்ளது.
இது தொடர்பான அறிவிப்பை ஸ்ரீலங்கன் ஏர்லைன்ஸ் நிறுவனம் இன்று (22.10) அறிவித்துள்ளது.
கடந்த செப்டம்பரில், சிட்னியில் இருந்து கொழும்புக்கு 10 மணி நேர விமானப் பயணத்தின் போது, தனது பெண் துணை விமானியை கேப்டன் ஒருவர் வெளியே வைத்து பூட்டிய சம்பவம் பரபரப்பை ஏற்படுத்தியிருந்தது.
இதனைத் தொடர்ந்து AirlineRatings.com, விமான நிறுவனத்தின் பாதுகாப்பு மதிப்பீட்டை ஏழிலிருந்து ஆறு நட்சத்திரங்களாகக் குறைத்துள்ளது.
இந்நிலையில் குறித்த விமானிக்கு எதிராக சட்ட நடவடிக்கை எடுத்ததன் விளைவாக நட்சத்திர அந்தஸ்தை மீட்டெடுத்துள்ளதாக அறிவித்துள்ளது.
(Visited 34 times, 1 visits today)
