உலகளாவிய தரவரிசையில் இலங்கையின் கடவுச்சீட்டிற்கு ஏற்பட்டுள்ள பின்னடைவு!

ஹென்லி பாஸ்போர்ட் குறியீடு 2025 இன்படி உலகளாவிய தரவரிசையில் இலங்கையின் கடவுச்சீட்டு ஒரு இடம் சரிந்து 97வது இடத்திற்கு தள்ளப்பட்டுள்ளது.

குறியீட்டின்படி, இலங்கை இப்போது ஈரானுடன் 97வது இடத்தைப் பகிர்ந்து கொள்கிறது. இதன் மூலம் அதன் உரிமையாளர்களுக்கு 41 இடங்களுக்கு விசா இல்லாத அணுகலை வழங்குகிறது.

2024 ஆம் ஆண்டில் இந்த நாடு 96வது இடத்தைப் பிடித்திருந்தமை சுட்டிக்காட்டத்தக்கது.

உலகின் மிகவும் அதிகாரப்பூர்வ கடவுச்சீட்டு தரவரிசையாகக் கருதப்படும் ஹென்லி பாஸ்போர்ட் குறியீடு, முன் விசா இல்லாமல் அணுகக்கூடிய நாடுகளின் எண்ணிக்கையின் அடிப்படையில் கடவுச்சீட்டுக்களை தரவரிசைப்படுத்தி வருகின்றமை குறிப்பிடத்தக்கது.