இலங்கையின் மொத்த உள்நாட்டு உற்பத்தியில் வீழ்ச்சி!

2023 ஆம் ஆண்டின் இரண்டாவது காலாண்டில், இலங்கையின் மொத்த உள்நாட்டு உற்பத்தி கடந்த ஆண்டை விட 3.1% குறைவடைந்துள்ளது என  மக்கள் தொகை கணக்கெடுப்பு மற்றும் புள்ளிவிபரத் திணைக்களம் அறிவித்துள்ளது.

2023 ஆம் ஆண்டின் இரண்டாவது காலாண்டிற்கான தேசிய கணக்கு மதிப்பீடுகளை மக்கள் தொகை கணக்கெடுப்பு மற்றும் புள்ளியியல் துறை வெளியிட்டுள்ளது.

இதன்படி இரண்டாவது காலாண்டிற்கான கணக்கியல் மதிப்பீடுகளை வெளிப்படுத்திய திணைக்களம், விவசாயத் துறையில் வளர்ச்சி காணப்பட்டதாகவும், ஆனால் தொழில்துறை மற்றும் சேவைத் துறைகளில் வீழ்ச்சி ஏற்பட்டுள்ளதாகவும் குறிப்பிட்டுள்ளது.

அதன்படி, 2023 ஆம் ஆண்டின் இரண்டாம் காலாண்டில் மொத்த உள்நாட்டு உற்பத்தி 2,597,441 மில்லியன் ரூபாவாக பதிவாகியுள்ளது.

எவ்வாறாயினும், 2022 ஆம் ஆண்டில், இந்த பெறுமதி 2,680,074 மில்லியன் ரூபாவாக பதிவாகியுள்ளது.

இதன்படி, கடந்த வருடத்துடன் ஒப்பிடுகையில் மொத்த உள்நாட்டு உற்பத்தி 3.1% சுருங்கியுள்ளது என்று குறிப்பிடப்பட்டுள்ளது.

தொடர்புடைய செய்திகள்:

சிறுபான்மையினருக்கு எதிரான மதத்துன்புறுத்தல்கள் குறித்து அமெரிக்கா தகவல்! இடைநிறுத்தப்பட்ட திட்டங்களை மீள ஆரம்பிப்பது குறித்து ஜப்பான் அரச பிரநிதியுடன் கலந்துரையாடல்! ஜனாதிபதிக்கு அச்சுறுத்தல் விடுத்த சூன் பான் வியாபாரிக்கு விளக்கமறியல் ஏப்ரல் தாக்குதல் : சர்வதேச விசாரணையை நடத்த தயார்!