அமெரிக்க பயிற்சி பெற்ற இலங்கையின் முதல் கடற்படை அதிகாரி மரணம்

அமெரிக்க கடற்படை சீல்(SEAL) பயிற்சியை வெற்றிகரமாக முடித்த முதல் இலங்கையர் என்ற பெருமை சேர்த்த படைப்பிரிவு அதிகாரி கோயன் சமிதா(Koyan Chamitha) காலமானார்.

28 வயதான படைப்பிரிவு அதிகாரி கோயன் சமித, வெலிசரா(Welisara) கடற்படை முகாமில் உள்ள கடற்படை குடியிருப்புக்குள் இறந்து கிடந்துள்ளார்.

கம்பஹாவைச்(Gampaha) சேர்ந்தவரும் பண்டாரநாயக்க(Bandaranaike) கல்லூரியின் முன்னாள் மாணவருமான சமித, கலிபோர்னியாவில்(California) கடுமையான பயிற்சிக்குப் பிறகு மதிப்புமிக்க சீல் ட்ரைடென்ட் விருதைப் பெற்று 2025ம் ஆண்டில் சர்வதேச சிறப்பைப் பெற்றார்.

இலங்கை கடற்படையின் சிறப்பு படகுப் படையின்(SBS) உறுப்பினரான அவர், தனது பணிகளை மீண்டும் தொடங்க சமீபத்தில் இலங்கைக்குத் திரும்பினார்.

இந்நிலையில், மரணத்தை தொடர்ந்து, பாதுகாப்பு அமைச்சின் செயலாளர் வைஸ் ஓய்வு பெற்ற சம்பத் துயகோந்தா(Sampath Tuyakontha), இது குறித்து முறையான விசாரணை நடத்த கடற்படைத் தளபதிக்கு உத்தரவிட்டுள்ளார்.

அமெரிக்காவின் SEAL தகுதிப் பயிற்சி என்பது 26 வார பயிற்சியாகும், இது வீரர்களை கடற்படை சிறப்புப் போரின் அடிப்படை தொடக்க நிலையிலிருந்து மேம்பட்ட தந்திரோபாயப் பயிற்சிக்கு அழைத்துச் செல்கிறது.