இலங்கை ஜனாதிபதி தேர்தல் : சமூக ஊடகங்கள் மூலம் இடம்பெறும் முறைக்கேடுகள்!
ஜனாதிபதி தேர்தலுக்கான வேட்புமனுக்கள் ஏற்றுக்கொள்ளும் தினத்தில் தேர்தல்கள் ஆணைக்குழுவின் பாதுகாப்பு தொடர்பில் தேர்தல்கள் ஆணைக்குழுவில் கலந்துரையாடல் ஒன்று இடம்பெற்றுள்ளது.
கொழும்பு மாவட்டத்தின் சிரேஷ்ட பொலிஸ் அதிகாரிகளுக்கும் தேர்தல்கள் ஆணைக்குழுவின் அதிகாரிகளுக்கும் இடையில் இது இடம்பெற்றுள்ளது.
இதேவேளை, தேர்தல் சட்டங்கள் மற்றும் ஊடக விதிமுறைகளை அமுல்படுத்துவது தொடர்பான செயலமர்வு இன்று (09) காலை அரசாங்க தகவல் திணைக்களத்தில் இடம்பெற்றது.
இங்கு பேசும் தேர்தல்கள் ஆணைக்குழுவின் பிரதித் தேர்தல் ஆணையாளர் (தேர்தல் சர்ச்சைத் தீர்வு) பியூமி அடிகல, சமூக ஊடகங்கள் தொடர்பில் பல முறைப்பாடுகள் கிடைக்கப்பெற்றுள்ளதாகவும், இதன் காரணமாகவே தேர்தல் காலத்தில் சமூக ஊடகங்கள் தொடர்பில் விசேட கவனம் செலுத்தப்பட்டுள்ளதாகவும் தெரிவித்துள்ளார்.
மேலும் பேசிய அவர், “இன்ஸ்டாகிராம் மற்றும் டிக்டொக் சமூக ஊடகங்களில் நாங்கள் சிறப்பு கவனம் செலுத்தியுள்ளோம். அந்த நிறுவனங்களுடன் நாங்கள் நேரடி தொடர்பில் இருக்கிறோம்.
சமூக ஊடக ஒழுங்குமுறையில் நாங்கள் வழங்கிய அறிவுறுத்தல்கள் மற்றும் உத்தரவுகளுக்கு அவர்கள் இணங்கவில்லை என்றால், அவர்கள் அதைத் தாண்டிச் செல்ல விருப்பம் தெரிவித்தனர்” எனக் கூறியுள்ளார்.
(Visited 1 times, 1 visits today)
