இந்திய கடற்பரப்பில் வைத்து இலங்கை மீனவர்கள் கைது

கடல் எல்லையை மீறி மீன்பிடி நடவடிக்கையில் ஈடுபட்ட இலங்கை மீனவர்கள் 7 பேரை இந்திய கடலோர காவல் படையினர் கைது செய்துள்ளனர்.

குறித்த மீனவர்கள் கன்னியாகுமரிக்கு அருகில் இந்தியக் கடலில் வைத்து கைது செய்யப்பட்டதாக இந்திய ஊடகங்கள் செய்தி வெளியிட்டுள்ளன.

மீனவர்கள் வந்த  படகையும் இந்திய கடலோர காவல்படையினர் எடுத்துச் சென்றுள்ளனர்.

கடந்த 16ஆம் திகதி இந்திய கடற்பரப்பில் அத்துமீறி மீன்பிடி நடவடிக்கையில் ஈடுபட்டிருந்த 14 இலங்கை மீனவர்களும் 5 படகுகளும் இந்திய கடற்படையினரால் கைது  செய்யப்பட்டுள்ளதாக தெரிவிக்கப்பட்டுள்ளது.