ஈரானில் உள்ள இலங்கை தூதரகம் இடமாற்றம்
தெஹ்ரான் மீதான தொடர்ச்சியான தாக்குதல்களைத் தொடர்ந்து, ஈரானில் உள்ள இலங்கைத் தூதரகம் அதன் தற்போதைய இடத்திலிருந்து மாற்றப்பட்டுள்ளதாக இலங்கை வெளியுறவு அமைச்சர் விஜித ஹெராத் நாடாளுமன்றத்தில் தெரிவித்துள்ளார்.
ஈரான் தலைநகரை குறிவைத்து நடத்தப்பட்ட தொடர்ச்சியான தாக்குதல்கள் காரணமாக, தெஹ்ரானில் தூதரகங்களை இனி பராமரிக்க முடியாது என்று அவர் தெரிவித்துள்ளார்.
எனவே, தூதரக அதிகாரிகள் மற்றும் தூதரகத்தில் தஞ்சமடைந்திருந்த 8 இலங்கை மாணவர்கள் வடக்கு ஈரானுக்கு மாற்றப்பட்டுள்ளனர், அங்கு அவர்கள் தற்காலிக இடத்தில் தங்கி, தூதரக சேவைகளை தொடர்ந்து வழங்குவார்கள் என்று அமைச்சர் குறிப்பிட்டுள்ளார்.
மாணவர்கள் உட்பட சுமார் 35 இலங்கையர்கள் தற்போது ஈரானில் இருப்பதாகவும், அவர்கள் அந்தந்த இடங்களில் பாதுகாப்பு ஏற்பாடுகளைச் செய்துள்ளதாக அவர்கள் தெரிவித்ததாகவும் அமைச்சர் கூறினார். தங்கள் சொந்த பாதுகாப்பை உறுதி செய்ய முடியாதவர்கள் தூதரகத்தில் தஞ்சம் புகுந்ததாக அவர் தெரிவித்தார்.
(Visited 2 times, 1 visits today)
