இலங்கை கிரிக்கெட் வீரர் தனஞ்சய டி சில்வாவின் சகோதரரை விளக்கமறியலில் வைக்க உத்தரவு
இலங்கை டெஸ்ட் கிரிக்கெட் அணியின் தலைவர் தனஞ்சய டி சில்வாவின் சகோதரர் சாவித்ர சில்வா எனப்படும் “சங்கு”, ஜனவரி 24 ஆம் திகதி வரை விளக்கமறியலில் வைக்கப்பட்டுள்ளார்.
தாக்குதல் சம்பவம் தொடர்பாக கல்கிசை பொலிஸாரால் அவர் கைது செய்யப்பட்டு நீதிமன்றத்தில் ஆஜர்படுத்தப்பட்டதை தொடர்ந்து குறித்த உத்தரவு பிறப்பிக்கப்பட்டுள்ளது.
இரு குழுக்களிடையே இடம்பெற்ற தாக்குதல் சம்பவம் தொடர்பிலேயே அவர் இவ்வாறு கைது செய்யப்பட்டார்.
நேற்றிரவு இரத்மலானையில் உள்ள தனது வீட்டிற்கு அருகில் சாவித்ர சில்வாவினால் ஒருவர் தாக்கப்பட்டுள்ளார்.
தாக்கப்பட்ட நபர், தனஞ்சய டி சில்வாவின் தந்தையைக் கொலை செய்ததாகக் குற்றம் சாட்டப்பட்ட குடு அஞ்சு மற்றும் எல்டோ தர்மாவின் நெருங்கிய உதவியாளர் என்று தெரிவிக்கப்படுகிறது.
தாக்குதலுக்கு உள்ளான நபர், பின்னர் இந்திக சுரங்க சொய்சா என்ற ரத்மலானே சுத்தா மற்றும் மற்றொரு குழுவுடன் தாக்குதல் நடந்த இடத்திற்குத் திரும்பி வந்து தனஞ்சய டி சில்வாவின் சகோதரரைத் தாக்கியுள்ளார்.
மோதலின் போது, ஒரு குறிப்பிட்ட நபர் தனஞ்சயவின் சகோதரனை கூர்மையான ஆயுதத்தால் தாக்கியதாக பொலிஸார் தெரிவித்தனர்.
பின்னர் அவர் காயங்களுடன் தனது வீட்டிற்குள் ஓடி, கூர்மையான ஆயுதத்தை எடுத்து ரத்மலானை சுத்தாவையும் மற்றொரு நபரையும் தாக்கினார்.
தாக்குதலில் காயமடைந்த இரு குழுக்களும் களுபோவில மருத்துவமனையில் அனுமதிக்கப்பட்டு பின்னர் கைது செய்யப்பட்டதாக பொலிஸார் தெரிவித்தனர்.
தற்போது, தனஞ்சய டி சில்வாவின் சகோதரர் சாவித்ர சில்வா என்கிற சங்கு என்பவரும், அவரது தாக்குதலில் காயமடைந்த ரத்மலானே சுத்தா மற்றும் மற்றொரு நபர் பொலிஸ் காவலில் வைக்கப்பட்டு களுபோவில மருத்துவமனையில் சிகிச்சை பெற்று வருகின்றனர்.
(Visited 1 times, 1 visits today)
