இலங்கை : லிட்ரோ எரிவாயுவை பெற்றுக்கொள்வதில் தட்டுப்பாடு ஏற்படுமா?

தமது நிறுவனம் சமர்ப்பித்த 2025 ஆம் ஆண்டுக்கான எரிவாயு விநியோக டெண்டரை ஆரம்பிப்பதில் தொழில்நுட்ப சிக்கல்கள் ஏற்பட்டுள்ளதாக ஏல நிறுவனம் ஜனாதிபதி செயலகத்தின் கொள்முதல் குழுவின் தலைவருக்கு கடிதம் ஒன்றினை எழுதியுள்ளதாக தெரிவிக்கப்படுகின்றது.

இந்தக் கடிதத்தில், தாய்லாந்தின் சியம் எரிவாயு நிறுவனம், இந்த டெண்டருக்கான அனைத்து தொழில்நுட்பத் தகுதிகளையும் பூர்த்தி செய்திருந்தாலும், எரிவாயு போக்குவரத்துக் கப்பல்கள் தொடர்பான தொழில்நுட்ப விவரக்குறிப்புகள் ஒத்துப்போகவில்லை எனக் கூறி, வெளிப்படையாகப் பரிசீலிக்காமல் டெண்டர் நிராகரிக்கப்பட்டதாக இந்தக் கடிதத்தின் மூலம் முறைப்பாடு அளிக்கப்பட்டுள்ளது.

அரசுக்கு சொந்தமான லிட்ரோ எரிவாயு நிறுவனத்தின் முன்னாள் இயக்குநர்கள் குழு 2025 ஆம் ஆண்டிற்கான எரிவாயு அளவீட்டின் கீழ் செயல்பட்ட அமைச்சரவையால் நியமிக்கப்பட்ட கொள்முதல் குழு 350,000 தொன் விநியோகத்திற்கான டெண்டரை முன்னைய வழங்குநருக்கு வழங்குவதற்கு முயற்சிகள் மேற்கொள்ளப்பட்டு வருவதாகத் தெரிவிக்கப்படுகிறது.

அனைத்து தொழில்நுட்ப தகுதிகளையும் பெற்ற சர்வதேச நிறுவனமான இந்த நிறுவனத்தின் டெண்டர் திறக்கப்பட்டு அதன் விலைகள் குறித்து பரிசீலிக்க வேண்டும் என சியம் கேஸ் நிறுவனத்தின் நிர்வாக இயக்குனர் சுபாச்சி விரபோவோபோங்க் ஜனாதிபதி செயலகத்திற்கு அனுப்பியுள்ள கடிதத்தில் தெரிவிக்கப்பட்டுள்ளது.

இந்நிலையில் இந்நிலைமை காரணமாக எரிவாயுவை பெற்றுக்கொள்வதில் சிக்கல் நிலை நிலவலாம் என முன்னுரைக்கப்பட்டுள்ளது.

இதனையடுத்து மேற்படி மேன்முறையீடு குறித்து விசாரிக்க ஜனாதிபதி அலுவலகம் சம்பந்தப்பட்ட அதிகாரிகளுக்கு அழைப்பு விடுத்துள்ளதாக தகவல்கள் தெரிவிக்கின்றன.

தொடர்புடைய செய்திகள்:

இலங்கை முழுவதும் விசேட பாதுகாப்பு நடவடிக்கை! பொலிஸார் குவிப்பு யாழில் வாட்ஸ் அப் மூலம் போதை பொருள் விற்பனை – இருவர் கைது! அரச அலுலகத்தில் இருந்து டயர்களை திருடிச் சென்ற ஊழியர்கள் ரயில் பாதையில் பேருந்தை ஓட்டிச் சென்றவருக்கு விளக்கமறியல் இலங்கை மின்சார சபையின் வருவாய்! வெளியான தகவல் இலங்கையில் டெங்கு நோயாளர்களின் எண்ணிக்கை அதிகரிப்பு!