இலங்கை: சர்ச்சையை கிளப்பிய வீடியோ! யாழ் எம்.பி வைத்தியர் அர்ச்சுனாவிற்கு எதிராக முறைப்பாடு

நவம்பர் 22 – யாழ்.மாவட்டத்திற்கு புதிதாக தெரிவு செய்யப்பட்ட சுயேச்சை பாராளுமன்ற உறுப்பினரான டொக்டர் அர்ச்சுனா இராமநாதனுக்கு எதிராக சிவில் சமூக ஆர்வலர்கள் குழுவொன்று குற்றப்புலனாய்வு திணைக்களத்தில் (CID) முறைப்பாடு செய்துள்ளது.

டாக்டர் அர்ச்சுனா ராமநாதன் ஃபேஸ்புக்கில் வெளியிட்ட வீடியோவில் கூறிய கருத்துகள் சர்ச்சையை கிளப்பியதை சிஐடி விசாரிக்க வேண்டும் என்று ஆர்வலர்கள் கேட்டுக் கொண்டனர்.

நவம்பர் 21ஆம் திகதி சமூக வலைதளங்களில் வைரலான இந்த வீடியோ, 10வது நாடாளுமன்றத்தின் முதல் அமர்வின் போது எதிர்க்கட்சித் தலைவருக்கு ஒதுக்கப்பட்ட ஆசனத்தில் எம்.பி அமர்ந்திருந்தமை இலங்கை ஊடகங்களில் பேசும்ப்பொருளானது.

இருக்கையை காலி செய்யுமாறு நாடாளுமன்ற ஊழியர்கள் பலமுறை கேட்டுக்கொண்ட போதிலும், அவர் நகர மறுத்துவிட்டார்.