இலங்கை: மோட்டார் சைக்கிள் திருட்டில் ஈடுபட்ட சந்தேகநபர் கைது

பல பிரதேசங்களில் இருந்து மோட்டார் சைக்கிள்கள் திருடப்பட்ட சந்தேக நபர் ஒருவரை கஹதுடுவ பொலிஸார் கைது செய்துள்ளனர்.

கஹதுடுவ, மீரிகம மற்றும் கட்டுநாயக்க பிரதேசங்களில் இருந்து 1 மில்லியனுக்கும் அதிகமான பெறுமதியான மூன்று மோட்டார் சைக்கிள்களை சந்தேகநபர் திருடியுள்ளதாக பொலிஸார் தெரிவித்தனர்.

மேலும், சந்தேகநபரிடம் இருந்து திருடப்பட்ட மூன்று கையடக்கத் தொலைபேசிகளும் கண்டுபிடிக்கப்பட்டுள்ளன.

சந்தேகநபர் விசாரணைகளின் போது, ​​திருடப்பட்ட மோட்டார் சைக்கிள்களை ஆண்டிஅம்பலம் பகுதியில் இரண்டு இடங்களில் மொத்தமாக 150,000 ரூபாய்க்கு அடகு வைத்துள்ளதாக தெரியவந்துள்ளது. இதன்படி, அடகு வைக்கப்பட்ட மோட்டார் சைக்கிள்களை பொலிஸ் காவலில் எடுக்க பொலிஸார் நடவடிக்கை எடுத்துள்ளனர்.

கைது செய்யப்பட்ட சந்தேக நபர் பதுவிட்ட பிரதேசத்தை சேர்ந்த 53 வயதுடையவர். சம்பவம் தொடர்பான மேலதிக விசாரணைகளை கஹதுடுவ பொலிஸார் மேற்கொண்டு வருகின்றனர்.