அந்நிய நேரடி முதலீட்டில் $650 மில்லியன் பெற்ற இலங்கை – அமைச்சர் சுனில் ஹந்துன்னெட்டி

இந்த ஆண்டின் முதல் காலாண்டில் இலங்கை 650 மில்லியன் அமெரிக்க டாலர்களை அந்நிய நேரடி முதலீட்டில் (FDI) பெற்றுள்ளதாக தொழில் மற்றும் தொழில்முனைவோர் மேம்பாட்டு அமைச்சர் சுனில் ஹந்துன்னெட்டி தெரிவித்துள்ளார்.

நாடாளுமன்றத்தில் இன்று பேசிய அவர் இதனை தெரிவித்துள்ளார்.

இந்த முதலீடு 64 திட்டங்களுக்கு ஆதரவளிப்பதாகவும், இந்த புள்ளிவிவரங்கள் முந்தைய ஆண்டுகளுடன் ஒப்பிடும்போது குறிப்பிடத்தக்க அதிகரிப்பு என்றும் அமைச்சர் குறிப்பிட்டுள்ளார்.

இது தொடர்பாக மேலும் பேசிய அமைச்சர் அமைச்சர், “இந்த காலாண்டில் மட்டும் 650 மில்லியன் அமெரிக்க டாலர்கள் அந்நிய நேரடி முதலீடு வந்துள்ளது. 2023 ஆம் ஆண்டில், முழு ஆண்டுக்கும் 483 மில்லியன் அமெரிக்க டாலர்கள் மட்டுமே பெறப்பட்டன. 2024 ஆம் ஆண்டில், 724 மில்லியன் அமெரிக்க டாலர்கள் மட்டுமே பெறப்பட்டன. ஆனால் அது முழு ஆண்டுக்கும் 93 திட்டங்களுக்கு மட்டுமே. BOI தலைவரின் கூற்றுப்படி, இந்த காலாண்டில் மட்டும் 64 திட்டங்களை நாங்கள் ஏற்கனவே பெற்றுள்ளோம், இதில் 650 மில்லியன் அமெரிக்க டாலர்கள் முதலீடு செய்யப்பட்டுள்ளன.” தெரிவித்துள்ளார்