இலங்கை – வளவ கங்கையில் நீராடச்சென்ற நபர் உயிரிழப்பு
பலாங்கொடை கல்தொட்ட வளவ கங்கையில் நீராடச்சென்ற நபர் ஒருவர் உயிரிழந்துள்ளார்.
இவ்வாறு உயிரிழந்தவர் குருவிட்ட மில்லெனிய பிரியசெவன பிரதேசத்தைச் சேர்ந்த 66 வயதுடைய அதுகோரலஆராச்சிலாஙே காமினி ரஜ்ஜித் விஜயசேகர என்பவரே உயிரிழந்துள்ளார். ஒய்வு பெற்ற புகையிரத திணைக்கள அதிகாரி என தெரியவந்துள்ளது.
இவர் வெசாக் பண்டிகையை முன்னிட்டு பலாங்கொடை கூரகல புனித பூமியில் நடைபெறும் வெசாக் நிகழ்வுகளை பார்வியிட குருவிட்ட பிரதேசத்தில் இருந்து குடும்ப சகிதம் வந்துள்ளார்.
தனது குடும்ப சகிதம் கல்தொட்ட வளவ கங்கையில் நீராடச்சென்ற போது இந்த சம்பவம் இடம்பெற்றுள்ளது.
உயிரிழந்தவரின் சடலம் பிரேத பரிசோதனைக்காக கல்தொட்ட வைத்தியசாலையில் வைக்கப்பட்டுள்ளது.மேலதிக விசாரணைகளை கல்தொட்டை காவல் துறையினர் மேற்கொண்டு வருகின்றனர்.
(Visited 4 times, 1 visits today)
