இலங்கை 2024 (2025) ஆண்டுக்கான சாதாரண தர பரீட்சை: வெளியான முக்கிய அறிவிப்பு

2024 (2025) ஆண்டுக்கான கல்விப் பொதுத்தராதர சாதாரண தர பரீட்சைக்கான விண்ணப்பங்கள் கோரப்பட்டுள்ளதாக பரீட்சை ஆணையாளர் நாயகம் அமித் ஜயசுந்தர தெரிவித்துள்ளார்.

அதன்படி, விண்ணப்பங்கள் நாளை (05) முதல் நவம்பர் மாதம் 30 ஆம் திகதி வரை இணையவழி ஊடாக ஏற்றுக்கொள்ளப்படவுள்ளதாக அவர் குறிப்பிட்டுள்ளார்.

இன்று வெளியிடப்பட்ட அறிக்கையில்,” திணைக்களம் அதன் அதிகாரப்பூர்வ வலைத்தளமான www.doenets.lk அல்லது www.onlineexams.gov.lk/eic மூலம் ஆன்லைனில் அனுப்பப்படும் விண்ணப்பங்கள் மட்டுமே ஏற்றுக்கொள்ளப்படும்.

அதனடிப்படையில், அனைத்து பாடசாலை விண்ணப்பதாரர்களும் தங்களின் பரீட்சை விண்ணப்பங்களை பாடசாலை அதிபர்கள் ஊடாக சமர்ப்பிக்க வேண்டும் அதே வேளையில் தனியார் விண்ணப்பதாரர்கள் தனிப்பட்ட முறையில் பரீட்சைக்கு விண்ணப்பிக்க அனுமதிக்கப்படுவார்கள்.

ஆன்லைன் விண்ணப்பங்களை சமர்ப்பிப்பதற்கான காலக்கெடு நவம்பர் 30 நள்ளிரவு ஆகும், அதே நேரத்தில் எந்த வகையான நீட்டிப்புகளும் வழங்கப்படாது” என்று திணைக்களம் தெரிவித்துள்ளது.

விண்ணப்பங்களைச் சமர்ப்பிப்பது தொடர்பான ஏதேனும் விசாரணைகள் தொடர்பு எண்கள் 0112784208/ 0112784537/ 0112785922 அல்லது மின்னஞ்சல் முகவரி: gceolexamsl@gmail.com மூலம் செய்யலாம்