இலங்கை: 2 கிலோ ஐஸ் போதைப்பொருளுடன் ஒருவர் கைது

ஹன்வெல்ல பொலிஸ் பிரிவின் நிரிபொல பகுதியில் சுமார் 2 கிலோகிராம் ‘ஐஸ்’ போதைப்பொருளுடன் ஒரு சந்தேக நபரை பொலிஸார் கைது செய்துள்ளனர்.

கோனஹேனவில் உள்ள பொலிஸ் சிறப்பு அதிரடிப்படை (STF) முகாமைச் சேர்ந்த அதிகாரிகள் குழுவிற்கு கிடைத்த தகவலின் அடிப்படையில் இந்த கைது மேற்கொள்ளப்பட்டுள்ளது.

கைது செய்யப்பட்ட சந்தேக நபர் மேலதிக நடவடிக்கைகளுக்காக ஹன்வெல்ல பொலிஸாரிடம் ஒப்படைக்கப்பட்டுள்ளார்.

சோதனையின் போது கைது செய்யப்பட்ட சந்தேக நபர் ஹன்வெல்ல, நிரிபொல பகுதியைச் சேர்ந்த 41 வயதுடையவர் என அடையாளம் காணப்பட்டுள்ளதாக பொலிஸார் தெரிவித்தனர்.

மேலும், போதைப்பொருள் கடத்தலில் ஈடுபட்டதாக சந்தேகிக்கப்படும் 100,000 பணமும் சந்தேக நபரிடமிருந்து பறிமுதல் செய்யப்பட்டது.

வெளிநாட்டில் மறைந்திருந்து போதைப்பொருள் கடத்தலில் ஈடுபட்ட ஒரு திட்டமிட்ட குற்றவாளி இந்த ‘ஐஸ்’ தொகையை சந்தேக நபருக்கு விநியோகிப்பதற்காக வழங்கியுள்ளதாக இதுவரை மேற்கொள்ளப்பட்ட பொலிஸ் விசாரணைகளில் தெரியவந்துள்ளது.

சம்பவம் குறித்து ஹன்வெல்ல பொலிஸார் மேலதிக விசாரணைகளை மேற்கொண்டு வருகின்றனர்.