இலங்கை – நாளைய தினம் நடைபெறவுள்ள வேலை வாய்ப்பு தொடர்பான தொகைமதிப்பு நடவடிக்கை
தொகை மதிப்பு மற்றும் புள்ளி விபர திணைக்களத்தால் 11வது “அரசு மற்றும் அரசு சார்ந்த துறை வேலை வாய்ப்பு தொடர்பான தொகைமதிப்பு 2022/23” நாடுதழுவிய ரீதியில் ஒரே நாளில்2024ம் ஆண்டுக்கான தொகை மதிப்பு நாளை (28) நடைபெறவுள்ளதாக, தொகை மதிப்பு மற்றும் புள்ளி விபர திணைக்களத்தின் பணிப்பாளர் நாயகம் அறிவித்துள்ளார்.
மத்திய அரசாங்க நிறுவனங்களின் கீழ் இயங்கும் திணைக்களங்கள்,நியதிச்சட்டரீதியான சபைகள், அரச கூட்டுத்தாபனங்கள், அரச கம்பனிகள் உள்ளிட்ட நிறுவனங்கள் மற்றும் மாகாண அரச துறையின் கீழ் இயங்கும் திணைக்களங்கள், அரச நிறுவனங்கள் ஆகியவற்றில் கடமையாற்றும் சகல உத்தியோகத்தர்களும் தொகை மதிப்புக்கு உள்ளடக்கப்பட வேண்டும் என அறிவிக்கப்பட்டுள்ளது.
இக் கணக்கெடுப்பில் நிரந்தர, அமைய, சமயா சமய மற்றும் ஒப்பந்த அடிப்படையில் நியமனம் பெற்று சம்பளம் பெறும் சகல உத்தியோகத்தர்களும் தொகை மதிப்புக்குற்படுத்தப்படவுள்ளதாகவும் குறிப்பிட்டுள்ளார்.
தொகை மதிப்பு முடிவடைந்ததும் அனைத்து ஆவணங்களையும் உரிய திணைக்களங்கள் மற்றும் நிறுவனங்களின் உயர் அதிகாரிகளிடம் ஒப்படைக்க வேண்டும் எனவும் அறிவிக்கப்பட்டுள்ளது.
(Visited 4 times, 1 visits today)
