இலங்கை: போதைப்பொருள் கடத்திய குற்றச்சாட்டில் ஐவர் கைது

போதைப்பொருள் கடத்தியதற்காக மற்றுமொரு உள்ளூர் பல நாள் மீன்பிடி இழுவை படகு உயர் கடலில் கடற்படையினர் கைப்பற்றினர்.

இலங்கையின் மேற்கு கடற்பகுதியில் நெடுநாள் மீன்பிடி படகொன்றில் இருந்து 40 கிலோ கிராம் போதைப்பொருள் மீட்கப்பட்டுள்ளது.

கடற்படையினரால் மேற்கொள்ளப்பட்ட விசேட சுற்றிவளைப்பின் போது குறித்த போதைப்பொருள் மீட்கப்பட்டுள்ளது.

இதன்போது ஐந்து சந்தேக நபர்களும் கைது செய்யப்பட்டதாகக் கடற்படை ஊடகப் பிரிவு தெரிவித்துள்ளது.

சந்தேகநபர்கள் மற்றும் போதைப் பொருட்களுடன் இழுவை படகு கடற்படையினரால் மேலதிக விசாரணைக்காகவும் சட்ட நடவடிக்கைகளுக்காகவும் கரைக்கு கொண்டு செல்லப்பட்டுள்ளது.