இலங்கை : வவுனியாவில் இரண்டு முன்னாள் பாராளுமன்ற உறுப்பினர்களின் ஆதரவாளர்கள் இடையே மோதல்

வவுனியா, பட்டாஞ்சிவூர் பகுதியில் நேற்றிரவு முன்னாள் பாராளுமன்ற உறுப்பினர் றிசாத் பதியுதீனின் ஆதரவாளர்களுக்கும் முன்னாள் இராஜாங்க அமைச்சர் காதர் மஸ்தானின் ஆதரவாளர்களுக்கும் இடையில் முறுகல் நிலை ஏற்பட்டுள்ளது.

இந்த மோதலில் இருவர் காயமடைந்து வவுனியா வைத்தியசாலையில் அனுமதிக்கப்பட்டுள்ளதாக வவுனியா பொலிஸார் தெரிவித்தனர்.

நாடாளுமன்றத் தேர்தலை முன்னிட்டு காதர் மஸ்தான் மற்றும் ரிஷாத் பதியுதீன் ஆகிய இருவரும் குறித்த பகுதியில் தமது இறுதி அரசியல் பேரணிகளை நடத்த திட்டமிட்டுள்ளனர்.

காதர் மஸ்தானின் ஆதரவாளர்கள் ரிஷாத் பதியுதீனின் வாகனம் மீது தாக்குதல் நடத்தியுள்ளனர்.

இரண்டு முன்னாள் எம்.பி.க்களின் ஆதரவாளர்களுக்கு இடையில் மோதல் ஏற்பட்டதையடுத்து, வவுனியா மற்றும் நெளுக்குளம் பொலிசார் தலையிட்டு நிலைமையைக் கட்டுப்படுத்தினர்.

இந்த மோதலில் இரு தரப்பினருக்கும் சொந்தமான பல வாகனங்கள் சேதப்படுத்தப்பட்டுள்ளதாக பொலிஸார் தெரிவித்தனர்.

மோதலில் ஈடுபட்டவர்களை கைது செய்வதற்கான விசாரணைகளை வவுனியா மற்றும் நெளுக்குளம் பொலிஸார் ஆரம்பித்துள்ளனர்.