இலங்கை ஜனாதிபதிக்கு டெல்லியில் சிறப்பு வரவேற்பு!

இலங்கை ஜனாதிபதி அநுரகுமார திசாநாயக்க இரண்டு நாள் உத்தியோகபூர்வ விஜயமாக இந்திய அரசாங்கத்தின் அழைப்பை ஏற்று புதுடெல்லிக்கு சென்றுள்ளார்.

புதுடில்லியை சென்றடைந்த ஜனாதிபதி அநுரகுமார திசாநாயக்கவை அமைச்சர் முருகன் அன்புடன் வரவேற்றார்.

அவர் ஜனாதிபதியாக பதவியேற்றதன் பின்னர் இந்தியாவிற்கு மேற்கொள்ளும் முதலாவது அரசு முறை விஜயம் இதுவாகும்.

இதன்போது பிரதமர் நரேந்திர மோடியை சந்தித்து கலந்துரையாடலில் ஈடுபட உள்ளத்துடன், இந்திய இலங்கை வர்த்தக சமூகத்துடனும் பேச்சுக்களில் ஈடுபடவுள்ளதாக தெரிவிக்கப்படுகிறது.

இந்த சந்திப்புகள் இரு தரப்பு உறவுகளை மேலும் ஆழப்படுத்தவும், மக்களை மையமாகக் கொண்ட கூட்டாண்மைக்கு வேகம் சேர்க்கவும் ஒரு வாய்ப்பாக அமையும் என்றும் தெரிவிக்கப்படுகிறது.