இலங்கையில் போலி மாணிக்கக்கல் விற்பனை: இருவர் கைது!
போலியான மாணிக்கக்கல் ஒன்றை உயர் பெறுமதியான மாணிக்கக்கல் எனக் கூறி, விற்பனை செய்யத் தயாரான இருவரை ஆனமடுவ போலீசார் கைது செய்துள்ளனர்.
நேற்றிரவு (23) இக் கைது நடவடிக்கை மேற்கொள்ளப்பட்டுள்ளது.
சந்தேகநபர்கள் இருவரும் ஆனமடுவ நகரிலுள்ள வர்த்தகர் ஒருவருக்கு போலியான மாணிக்கக்கல்லை ஒரு கோடி ரூபாவிற்கு விற்பனை செய்ய முயற்சித்துள்ளனர்.
இது தொடர்பில் சந்தேகம் ஏற்பட்ட வர்த்தகர் காவல்துறையினருக்கு அறிவித்தார்.
ஆனமடுவ பரமாகந்த கிராமத்தைச் சேர்ந்த 34 மற்றும் 38 வயதுகளையுடைய பல்வேறு மோசடிகளில் ஈடுபட்டதாக சந்தேகிக்கப்படும் இருவரே இவ்வாறு கைது செய்யப்பட்டனர்.
சந்தேகநபர்கள் ஆனமடுவ நீதிமன்றில் முன்னிலைப்படுத்தப்படவுள்ளனர்.
(Visited 1 times, 1 visits today)
