காசாவில் தாக்குதல்களை நிறுத்துமாறு அழைப்பு விடுத்த சவுதி மன்னர்

சவூதி அரேபியாவின் மன்னர் சல்மான் பின் அப்துல் அஜீஸ் அல் சவுத், முஸ்லிம்களின் புனித மாதமான ரமலான் மாதத்தின் முடிவைக் குறிக்கும் மூன்று நாள் கொண்டாட்டமான ஈத் அல்-பித்ரை வரவேற்கும் செய்தியை வழங்குகையில், பாலஸ்தீன மக்களுக்கு எதிரான தாக்குதல்களை நிறுத்துமாறு அழைப்பு விடுத்தார்.

“பாலஸ்தீன மக்கள் மீதான தாக்குதல்களை நிறுத்துதல், பாதுகாப்பான மனிதாபிமான வழித்தடங்களை வழங்குதல் மற்றும் அவர்களின் அனைத்து நியாயமான உரிமைகளைப் பெறுவதன் மூலம் அவர்களின் துன்பங்களுக்கு முற்றுப்புள்ளி வைப்பதன் அவசியத்தை வலியுறுத்துவோம்” என்று சவூதி அரேபியாவின் அதிகாரப்பூர்வ செய்தி நிறுவனம் மேற்கோள் காட்டியுள்ளது.

இந்த உரிமைகளில் “தங்கள் சுதந்திரமான அரசை நிறுவுதல் மற்றும் பாதுகாப்பாக வாழ்வது” ஆகியவை அடங்கும் என்று அந்த அறிக்கையில் கூறப்பட்டுள்ளது.