ரஷ்யா மற்றும் அமெரிக்கா சிரியாவில் வான்வழித் தாக்குதல்

ரஷ்ய வான்வழித் தாக்குதல்கள் சிரிய கிளர்ச்சியாளர்களை இலக்காகக் கொண்டுள்ளன.

மற்றும் அமெரிக்கா சிரியாவில் ஈரான் ஆதரவு குழுக்களை குண்டுவீசித் தாக்கியுள்ளது,

சிரியாவின் இட்லிப் மாகாணத்தில் ரஷ்ய விமானத் தாக்குதல்கள் 34 கிளர்ச்சிப் போராளிகளைக் கொன்றதாகவும், 60 பேர் காயமடைந்ததாகவும் கூறப்படுகிறது.

கடந்த 24 மணி நேரத்தில் சிரிய அரசுப் படைகளின் நிலைகள் ஏழு முறை தாக்கப்பட்டதாக ரஷ்ய அதிகாரி தெரிவித்துள்ளனர்.

இட்லிப் மற்றும் அலெப்போ மாகாணங்களில் அரசு கட்டுப்பாட்டில் உள்ள பகுதிகளில் கிளர்ச்சியாளர்கள் தாக்குதல் நடத்தியதாக சிரிய ராணுவம் குற்றம் சாட்டியுள்ளது. கிளர்ச்சியாளர்களின் கட்டுப்பாட்டில் உள்ள பொதுமக்கள் பகுதிகள் மீது கண்மூடித்தனமான ஷெல் தாக்குதலை சிரியா மறுத்துள்ளது.

எவ்வாறாயினும், மாஸ்கோ மற்றும் டமாஸ்கஸ் ஆகிய இரண்டும் காசா மீதான போரில் உலகின் கவனத்தை சாதகமாக்கிக் கொண்டு மக்கள் செறிவான பகுதியில் தாக்குதல்களை அதிகரிக்கின்றன என்று எதிர்க்கட்சி அதிகாரிகள் கூறுகின்றனர்.

சிரியாவில் ஈரானுடன் இணைந்த குழுக்களுக்கு எதிராக அமெரிக்கா இரண்டு வான்வழித் தாக்குதல்களை நடத்தியதாக அமெரிக்க பாதுகாப்பு அமைச்சர் லாயிட் ஆஸ்டின் திங்கள்கிழமை உறுதிப்படுத்தினார் .

குறைந்தது எட்டு ஈரான் சார்பு போராளிகள் கொல்லப்பட்டதாக மனித உரிமைகளுக்கான சிரிய கண்காணிப்பகம் தெரிவித்துள்ளது.

ஈராக் மற்றும் சிரியாவில் அமெரிக்கப் படைகளுக்கு எதிரான தாக்குதல்கள் தொடர்ந்தால் ஈரானுடன் தொடர்புடைய குழுக்களுக்கு எதிராக மேலும் பல தாக்குதல்கள் தொடரலாம் என்று ஆஸ்டின் கூறினார்.

“இந்த தாக்குதல்கள் நிறுத்தப்பட வேண்டும், அவை நிறுத்தப்படாவிட்டால், மீண்டும் துருப்புக்களைப் பாதுகாக்க தேவையானதைச் செய்ய நாங்கள் தயங்க மாட்டோம்” என்று சியோலில் செய்தியாளர் கூட்டத்தில் ஆஸ்டின் கூறினார்.

மேலும் சமீபத்திய வாரங்களில் ஈரான் ஆதரவுப் படைகளால் ஈராக் மற்றும் சிரியாவில் குறைந்தது 40 முறை அமெரிக்க மற்றும் கூட்டணிப் படைகள் தாக்கப்பட்டுள்ளன. என்பதும் குறிப்பிடத்தக்கது.