உக்ரைனின் எரிசக்தி அமைப்பின் மீது பெரிய தாக்குதலை நடத்திய ரஷ்யா

வெள்ளிக்கிழமை இரவு உக்ரைனின் எரிசக்தி அமைப்பின் மீது ரஷ்யா மற்றொரு பெரிய அளவிலான தாக்குதலை நடத்தியதாக உக்ரைனின் எரிசக்தி அமைச்சர் ஜெர்மன் கலுஷ்செங்கோ பேஸ்புக்கில் தெரிவித்தார்.

உக்ரைனின் பல்வேறு பகுதிகளில் உள்ள எரிசக்தி மற்றும் எரிவாயு உள்கட்டமைப்பு மீண்டும் பாரிய ஏவுகணை மற்றும் ட்ரோன் தாக்குதல்களுக்கு உள்ளாகியுள்ளது என்று அவர் தெரிவித்தார் .

மீட்புப் பணியாளர்கள் மற்றும் எரிசக்தி துறை பணியாளர்கள் தாக்குதல் நடந்த இடங்களில் அதன் விளைவுகளை நிவர்த்தி செய்ய பணியாற்றி வருகின்றனர் என்று கலுஷ்செங்கோ கூறினார்.

எரிசக்தி மற்றும் எரிவாயு விநியோகத்தை உறுதிப்படுத்த தேவையான அனைத்து நடவடிக்கைகளும் எடுக்கப்பட்டு வருவதாக அவர் மேலும் கூறினார்.

பிராந்திய இராணுவ நிர்வாகத்தின் கூற்றுப்படி, மேற்கு டெர்னோபில் பகுதியில் உள்ள ஒரு முக்கியமான தொழில்துறை வசதி தாக்கப்பட்டது, மேலும் அந்தப் பகுதி எரிவாயு விநியோகத்தில் கட்டுப்பாடுகளை எதிர்கொள்ளக்கூடும்.

இன்று அதிகாலையில், உக்ரைனில் ரஷ்யப் படைகள் பல போர் ட்ரோன் குழுக்களை ஏவியதாக உக்ரைன் விமானப்படை தெரிவித்துள்ளது