‘bank.in’ என்ற பிரத்யேக இணைய டொமைனை அறிமுகப்படுத்தும் இந்திய ரிசர்வ் வங்கி!

இந்திய வங்கிகள் விரைவில் ‘bank.in’ என்ற பிரத்யேக இணைய டொமைனைக் கொண்டிருக்கும் என்று இந்திய ரிசர்வ் வங்கி இன்று (07.02) அறிவித்துள்ளது.

நிதி மோசடியைத் தடுக்கவும் ஆன்லைன் நிதிப் பாதுகாப்பை மேலும் வலுவானதாக மாற்றவும் இந்த முடிவு எடுக்கப்பட்டுள்ளதாக அறிவிக்கப்பட்டுள்ளது.

இந்த நிதியாண்டின் கடைசி இருமாத நாணயக் கொள்கையை வெளியிட்ட ரிசர்வ் வங்கி ஆளுநர் சஞ்சய் மல்ஹோத்ரா, ‘bank.in’-க்கான பதிவுகள் ஏப்ரல் 2025 முதல் தொடங்கும் என்றும், தொடர்ந்து ‘fin.in’ அறிமுகப்படுத்தப்படும் என்றும் கூறினார்.

நிதித்துறையில் நம்பிக்கையை அதிகரிப்பதே இந்த முடிவு நோக்கமாகக் கொண்டுள்ளது என்றும் அவர் மேலும் கூறினார்.

அத்துடன் டிஜிட்டல் கொடுப்பனவுகளில் மோசடி சம்பவங்கள் குறித்தும் அவர் கவலை தெரிவித்தார்.

“இதை எதிர்த்துப் போராட, இந்திய ரிசர்வ் வங்கி (RBI) இந்திய வங்கிகளுக்கு ‘bank.in’ பிரத்யேக இணைய டொமைனை அறிமுகப்படுத்துகிறது,” என்று அவர் மேலும் தெரிவித்துள்ளார்.