மத்திய வங்கியின் கையிருப்பு சொத்துக்கள் அதிகரிப்பு!

இலங்கையின் உத்தியோகப்பூர்வ கையிருப்பு சொத்துக்கள் கடந்த வருடத்துடன் ஒப்பிடும் போது அதிகரித்துள்ளது.

இதன்படி கடந்த 2023 ஆம் ஆண்டு ஜூன் மாதம் 3,724 மில்லியன் அமெரிக்க டொலர்கள் கையிருப்பில் இருந்த நிலையில்,  2023 ஜூலையில் 3,762 மில்லியன் அமெரிக்க டொலர்களாக அதிகரித்துள்ளதாக இலங்கை மத்திய வங்கி  தெரிவித்துள்ளது.

எவ்வாறாயினும், தற்போதைய உத்தியோகபூர்வ கையிருப்பு சொத்துக்களில் சீனாவின் மக்கள் வங்கியிலிருந்து 1.4 பில்லியன் அமெரிக்க டாலர்களுக்கு இடமாற்று வசதி உள்ளது.

இது பயன்பாட்டிற்கான நிபந்தனைகளுக்கு உட்பட்டது என்று இலங்கை மத்திய வங்கி தெரிவித்துள்ளது.