வடகொரியா-ரஷ்யா பாதுகாப்பு ஒப்பந்ததிற்கு அங்கீகாரம்: தென்கொரிய வெளியுறவு அமைச்சு கண்டனம்

வடகொரியா – ரஷ்யா இடையேயான தற்காப்பு ஒப்பந்தம் ரஷ்ய நாடாளுமன்றத்தில் ஒருமனதாக வியாழக்கிழமை (அக்டோபர் 24) அங்கீகரிக்கப்பட்டது. இதற்குத் தென்கொரிய வெளியுறவு அமைச்சு கண்டனம் தெரிவித்துள்ளது.

இதுதொடர்பாக அந்நாட்டு அமைச்சு வெள்ளிக்கிழமையன்று (அக்டோபர் 25) வெளியிட்ட செய்தியில், பியோங்யாங் உடனான சட்டவிரோத ஒத்துழைப்பை உடனடியாக நிறுத்துமாறு மாஸ்கோவைக் கேட்டுகொண்டது.

ரஷ்யா, வடகொரியா ஆகிய இரு நாடுகளில் ஏதேனும் ஒரு நாடு தாக்குதலுக்கு இலக்கானால் மற்றொரு நாடு கைகொடுக்க வேண்டும் என்பதே அந்த ஒப்பந்தம்.

ஆயிரக்கணக்கான வடகொரிய ராணுவ வீரர்களுக்கு ரஷ்யாவில் பயிற்சி அளிக்கப்படுவதாக தென்கொரியாவும் அமெரிக்காவும் குற்றம் சாட்டின.

ரஷ்யாவின் குர்ஸ்க் எல்லைப் பகுதியில் இருக்கும் போர் வட்டாரத்திற்குள் வடகொரிய வீரர்கள் நுழைந்ததாக உக்ரேன் கூறியது. இக்குற்றச்சாட்டுகளை வடகொரியாவும் ரஷ்யாவும் மறுத்தன.

வடகொரியா – ரஷ்யா இடையேயான தற்காப்பு ஒப்பந்தத்திற்கு ரஷ்ய நாடாளுமன்றம் அங்கீகாரம் அளித்ததும் வடகொரிய ராணுவ வீரர்கள் ரஷ்யாவிற்கு அனுப்பப்படுவதும் கவலை அளித்திருப்பதாகத் தென்கொரிய வெளியுறவு அமைச்சு வெளியிட்ட அறிக்கையில் தெரிவித்தது.

See also  போலி விளம்பரங்கள் தொடர்பாக மெட்டா மீது வழக்கு தொடரும் ஜப்பான்

தொடர்புடைய செய்திகள்:

பங்களாதேஷில் நாளை பொதுத் தேர்தல் : பாதுகாப்பு பணிகள் தீவிரம்! பங்களாதேஷில் உள்ள ரோஹிங்கியா அகதிகள் முகாமில் தீ விபத்து : பலர் தங்கும் இடங்களை இழந்து அவதி! ஈரானில் பொது ஒழுக்கத்தை மீறிய பெண்ணிற்கு 74 முறை சாட்டை அடி கட்சி தலைவர் பதவியில் இருந்து பாகிஸ்தான் பிரதமர் ஷேபாஸ் ஷெரீப் விலகல் இஸ்ரேல் மற்றும் சைப்ரஸைக்கு கடும் அச்சுறுத்தல் விடுத்துள்ள ஹெஸ்பொல்லாவின் தலைவர் இந்தோனேசியாவின் முக்கிய சுற்றுலா தளம் அமைந்துள்ள பகுதியில் நிலநடுக்கம்!