இலங்கையில் எதிர்கட்சி தலைவர் சரச்சை – சஜித்திற்கு அதிர்ச்சி கொடுக்க தயாராகும் ரணில்

முன்னாள் ஜனாதிபதி ரணில் விக்ரமசிங்க புதிய ஜனநாயக முன்னணியின் தேசியப் பட்டியலில் இருந்து நாடாளுமன்றத்திற்கு பிரவேசித்து எதிர்க்கட்சித் தலைவராக பதவியேற்கவுள்ளதாக அரசியல் வட்டாரங்கள் தெரிவிக்கின்றன.

அதற்கு மேலும் பல ஐக்கிய மக்கள் சக்தி கட்சி உறுப்பினர்கள் ஆதரவளிக்கப்படவுள்ளதாகவும் குறிப்பிடப்படுகின்றது.

சஜித் பிரேமதாசவுடன் இணைந்து தேசிய மக்கள் சக்தி அரசாங்கத்திற்கு குறிப்பிடத்தக்க சவாலை முன்வைக்க முடியாது என அந்த உறுப்பினர்கள் குழுவின் பெரும்பான்மையான உறுப்பினர்கள் எண்ணுவதாகவும் குறிப்பிடப்படுகின்றது.

அந்த நிலைமையின் அடிப்படையில் அவர்களில் ஒரு குழு ரணில் விக்கிரமசிங்கவின் எதிர்க்கட்சித் தலைமையின் கீழ் செயற்பட தீர்மானித்துள்ளதாகவும் அறியமுடிகிறது.

புதிய ஜனநாயக முன்னணியின் தேசியப் பட்டியலுக்கு நியமிக்கப்பட்ட உறுப்பினர் ஒருவர் இராஜினாமா செய்ததையடுத்து, அந்த வெற்றிடத்திற்காக ணில் விக்கிரமசிங்கவுக்கு நாடாளுமன்றத்தில் பிரவேசிக்கும் வாய்ப்பு கிடைக்கவுள்ளமை குறிப்பிடத்தக்கது.