டெல்லியில் உச்ச நீதிமன்ற உத்தரவுக்கு எதிராகப் போராட்டம் – 40 ஆர்வலர்கள் கைது

எட்டு வாரங்களுக்குள் தெருநாய்களை தங்குமிடங்களுக்கு மாற்ற வேண்டும் என்ற உச்ச நீதிமன்றத்தின் உத்தரவை எதிர்த்து இந்தியா கேட்டில் கூடியிருந்த விலங்கு உரிமை ஆர்வலர்கள் 40-50 பேரை டெல்லி போலீசார் கைது செய்துள்ளனர்.

டெல்லியில் தெருநாய்களின் அச்சுறுத்தலை “மிகவும் கொடூரமானது” என்று உச்ச நீதிமன்றம் திங்கள்கிழமை குறிப்பிட்டதுடன், தெருநாய்களை உடனடியாக பிடித்து தங்குமிடங்களில் வைக்கத் தொடங்குமாறு டெல்லி அரசாங்கத்திற்கும், நகராட்சிகளுக்கும் உத்தரவிட்டது. இந்த செயல்முறையைத் தடுக்கும் எவருக்கும் எதிராக கடுமையான நடவடிக்கை எடுக்கப்படும் என்றும் தெரிவிக்கப்பட்டிருந்தது

தெருநாய்களை தங்கள் பகுதிகளில் இருந்து அகற்றுவது ஒரு தீர்வாகாது என்று போராட்டக்காரர்கள் தெரிவித்தனர், மேலும் கருத்தடை, தடுப்பூசி மற்றும் சமூக நாய்களை மீண்டும் தங்கள் பகுதிகளுக்கு விடுவிப்பதை கட்டாயமாக்கும் விலங்கு பிறப்பு கட்டுப்பாடு (ABC) விதிகளை கடுமையாக அமல்படுத்த வேண்டும் என்று கோரினர்.

2024ம் ஆண்டில் ரேபிஸ் நோயால் 54 பேர் இறந்ததாக அரசாங்கத் தரவுகள் காட்டியுள்ள நிலையில், ஊடக அறிக்கைகள் இந்தப் பிரச்சினையை பரபரப்பாக்கியுள்ளன என்றும் ஆர்ப்பாட்டக்காரர்கள் தெரிவித்துள்ளனர்.