இலங்கை : புதிய வாகனங்களை இறக்குமதி செய்யும்போது பழைய வாகனங்களுக்கு ஏற்படும் சிக்கல்!

புதிய வாகனங்களை இறக்குமதி செய்வதால் பழைய வாகனங்கள் அனைத்தும் மதிப்பை இழந்து கடைசியில், அதிக எண்ணிக்கையில் புதிய தேவையற்ற வகையில் வாகனங்கள் நாட்டிற்குள் நுழைய ஆரம்பிக்கும் என கலாநிதி நந்தலால் வீரசிங்க தெரிவித்துள்ளார்.

இது தொடர்பில் தனியார் தொலைகாட்சி ஒன்றுக்கு பேட்டியளித்த அவர்,  “2024 மே முதல் ஜூன் வரை நாங்கள் பகுப்பாய்வு செய்தோம். அந்த நேரத்தில் தேவை இருந்தது. 5 ஆண்டுகளாக புதிய வாகனங்களை இறக்குமதி செய்ய அனுமதிக்கவில்லை.

பொருளாதாரம் மேம்படும் போது, ​​நாட்டிற்கு புதிய வாகனங்கள் தேவை. எனது பரிந்துரை தற்போதுள்ள வாகன சந்தையின் மதிப்பை அந்த அளவில் வைத்துக்கொண்டு வாகனத்தைப் புதுப்பிக்க, வாய்ப்பு அளிக்க வேண்டும்.

முந்தைய மாற்று விகிதத்தையும் தற்போதைய மாற்று விகிதத்தையும் எடுத்துக் கொண்டால், மாற்று விகிதங்கள் நிறைய மாறிவிட்டன. கூடுதலாக, 18% VAT புதிதாக சேர்க்கப்பட்டுள்ளது.

பிறகு இரண்டும் சேர்ந்தால் ஐந்து வருட பழமையான வாகனம் சந்தையில் 5 மில்லியன் மதிப்புடையதாக இருந்தால், புதிய வாகனம் கொண்டுவர அனுமதிக்கப்படும்போது  பழைய வாகனங்கள் அனைத்தும் மதிப்பை இழந்து கடைசியில், அதிக எண்ணிக்கையில் புதிய தேவையற்ற வகையில் வாகனங்கள் நாட்டிற்குள் நுழைய ஆரம்பிக்கும்” எனத் தெரிவித்துள்ளார்.