இலங்கையில் பாதாள உலக செயற்பாடுகளை ஒழிப்பதாக ஜனாதிபதி சபதம்
பாதாள உலக செயற்பாடுகளை ஒழிப்பதற்கு தேவையான அனைத்து நடவடிக்கைகளும் எடுக்கப்படும் என ஜனாதிபதி அனுரகுமார திஸாநாயக்க இன்று உறுதியளித்துள்ளார்.
10ஆவது பாராளுமன்றத்தின் பாதுகாப்பு அமைச்சு ஆலோசனைக் குழுவின் முதலாவது கூட்டத்தில் உரையாற்றிய ஜனாதிபதி, சில பொதுப் பாதுகாப்பு நிறுவனங்களுக்குள் பாதாள உலகக் குழுவினர் ஊடுருவியுள்ளதாகத் தெரிவித்தார்.
நவீன தொழில்நுட்பத்துடன் நீதிமன்ற பாதுகாப்பை மேம்படுத்தவும், நாடு முழுவதும் ராணுவத்தால் ஆக்கிரமிக்கப்பட்ட நிலங்களை மறுமதிப்பீடு செய்யவும், ராணுவத்தால் நடத்தப்படும் வணிகங்களின் பொருளாதார திறனை ஆராயவும் நடவடிக்கை எடுக்கப்படும்.
மத மற்றும் இன தீவிரவாதத்தை அரசியலில் இருந்து அகற்றி அரசியல் இலாபங்களுக்காக அதனை சுரண்டுவதை தடுக்க வேண்டியதன் அவசியத்தை ஜனாதிபதி மேலும் வலியுறுத்தினார்.
மேலும், தேசிய பேரிடர் மேலாண்மை குழுவை விரைந்து அமைக்க அதிகாரிகளுக்கு உத்தரவிட்டார்.
இந்தக் கூட்டத்தில் மூத்த அரசு அதிகாரிகள், ராணுவத் தலைவர்கள், நாடாளுமன்ற உறுப்பினர்கள் உள்ளிட்டோர் கலந்துகொண்டனர்
(Visited 1 times, 1 visits today)
