இலங்கையில் லொறி ஒன்றின் மீது துப்பாகிச்சூடு நடத்திய பொலிஸார்!

இலங்கை – சூரியவெவ, மீகஹஜதுர பிரதேசத்தில் பொலிஸாரின் உத்தரவை மீறிச் சென்ற லொறி ஒன்றின் மீது சூரியவெவ பொலிஸார் துப்பாக்கிச் சூடு நடத்தியுள்ளனர். இந்தச் சம்பவம் இன்று (27) அதிகாலை இடம்பெற்றுள்ளது.

லுனுகம்வெஹரவில் இருந்து சூரியவெவ நோக்கி லொறியை சோதனைக்காக நிறுத்துமாறு பொலிஸார் உத்தரவிட்ட போதும் அதனை பொருட்படுத்தாமல் லொறியை ஓட்டிச் சென்ற போதே துப்பாக்கிச் சூடு மேற்கொள்ளப்பட்டதாக பொலிஸார் தெரிவித்தனர்.

பின்னர், லொறியின் டயர் மீது துப்பாக்கி ரவை பாய்ந்ததையடுத்து லொறி நிறுத்தப்பட்டது.

இதன்போது, லொறியின் சாரதி சூரியவெவ பொலிஸாரால் கைது செய்யப்பட்டுள்ளதாக பொலிஸார் தெரிவித்தனர்.

லொறியில் 17 மாடுகள் இருந்ததாகத் தெரிவிக்கப்படுகிறது. கைது செய்யப்பட்ட சந்தேக நபர் ஹம்பாந்தோட்டை நீதவான் நீதிமன்றில் ஆஜர்படுத்தப்படவுள்ளார்.

தொடர்புடைய செய்திகள்:

வார்டு கட்டிலில் வைத்து சிறுமி துஷ்பிரயோகம் – சந்தேகநபரை கைது செய்த பொலிஸார்! யாழ் பல்கலைக்கழக மாணவர்களால் முள்ளிவாய்க்கால் கஞ்சி விநியோகம் வெளிநாடு செல்லும் முயற்சியில் இலங்கையர்கள் – வேலைவாய்ப்பு பணியகம் வெளியிட்ட அறிவிப்பு இலங்கையில் ஆட்சி மாற்றம் ஏற்பட்டால் IMF உடன்படிக்கைக்கு பாதிப்பா? சிறை கைதிகள் தப்பியோட்டம் – மூவர் பணியிடை நீக்கம் ஸ்திரத்தன்மை அடைந்துள்ள இலங்கை பொருளாதாரம் – உலக வங்கி பாராட்டு!