வானை நோக்கி 38 தடவைகள் பொலிஸார் துப்பாக்கிச் சூடு! ஏற்பட்ட அமைதியின்மை

நுவரெலியா – ஹங்குரங்கெட்ட பொலிஸ் நிலையத்திற்கு முன்பாக நேற்றிரவு ஏற்பட்ட அமைதியின்மையை கட்டுப்படுத்த பொலிஸார் வானத்தை நோக்கி 38 தடவைகள் சுட்டுள்ளனர்.

பொலிஸ் நிலையத்திற்கு முன்பாக திரண்டிருந்த சுமார் 200 பேர் கலவரமாகச் செயற்பட்டு பொலிஸ் நிலையத்திற்குள் நுழைய முற்பட்டதாக பொலிஸ் திணைக்களம் தெரிவித்துள்ளது.

நிலைமையைக் கட்டுப்படுத்த துப்பாக்கிச் சூடு நடத்தப்பட்டதாக பொலிஸார் தெரிவித்துள்ளனர்.

கடந்த 25ஆம் திகதி ஹங்குரங்கெட்ட தியாதிலகபுர பிரதேசத்தில் ஒருவர் தாக்கப்பட்டு கொல்லப்பட்டிருந்தார்.

இச்சம்பவம் தொடர்பில் பெண் ஒருவர் கைது செய்யப்பட்டுள்ளதாகவும் 8 சந்தேக நபர்கள் பிரதேசத்தை விட்டு தப்பிச் சென்றுள்ளதாகவும் தெரிவிக்கப்படுகின்றது.

இவர்களை கைது செய்யுமாறு கோரி நேற்றிரவு சுமார் 200 பேர் ஹங்குரங்கேத்தி பொலிஸ் நிலையத்திற்கு முன்பாக ஆர்ப்பாட்டத்தில் ஈடுபட்டனர்.

அதேநேரம் சம்பவத்தில் உயிரிழந்தவர் மீது தாக்குதல் நடத்தியதாக கூறப்படும் தரப்பினரின் வீடொன்று தீக்கிரையாக்கப்பட்டுள்ளதாக தெரிவிக்கப்படுகின்றது.

தொடர்புடைய செய்திகள்:

இலங்கையில் வாகன இறக்குமதிக்கு அமைச்சரவை அங்கீகாரம்! ராஜீவ் காந்தி கொலை வழக்கில் இருந்து விடுவிக்கப்பட்ட மூவர் இலங்கையில்! சி.ஐ.டி விசாரணை இலங்கையில் தங்கத்தின் விலையில் மாற்றம்! கடன் வழங்கும் நாடுகளுடன் முக்கிய ஒப்பந்தத்தில் கைச்சாத்திடும் இலங்கை இலங்கை ஜனாதிபதி தேர்தல்: இன்னும் பிரசாரத்தை தொடங்காத 19 வேட்பாளர்கள் வரி வருவாய் அதிகரிப்பு