இலங்கையின் பாதுகாப்பு படைத் தலைவர்களுடன் பிரதமர் பேச்சுவார்த்தை!
பிரதமர் ஹரிணி அமரசூரிய இன்று கொழும்பில் உள்ள பிரதமர் அலுவலகத்தில் இலங்கையின் பாதுகாப்பு படைகளின் தலைவர்களுடன் கலந்துரையாடலில் ஈடுபட்டார்.
பாதுகாப்புப் படைகளின் பிரதானி ஜெனரல் சவேந்திர சில்வா, இராணுவத் தளபதி லெப்டினன்ட் ஜெனரல் விக்கும் லியனகே, கடற்படைத் தளபதி வைஸ் அட்மிரல் பிரியந்த பெரேரா ஆகியோர் இந்தச் சந்திப்பில் கலந்துகொண்டனர்.
புதிதாக நியமிக்கப்பட்டுள்ள பிரதமருக்கும் இலங்கையின் பாதுகாப்பு படைகளின் தலைவர்களுக்கும் இடையிலான முதலாவது முறையான கலந்துரையாடல் இந்த சந்திப்பை குறிக்கிறது என பிரதமர் அலுவலகம் விடுத்துள்ள அறிக்கையில் தெரிவிக்கப்பட்டுள்ளது.
